《蘋果日報》，2020/12/2
疫情嚴峻，失業率高企，本港一片愁雲慘霧，然而抱守希望總會帶來光明。三個月大貓B「可樂」上周五遭偷走，失蹤三日終獲救。昨日建材公司如常開門，東主夫婦對愛貓失而復得，愛不釋手又攬又錫，重現笑容的貓主馬太坦言：「見到可樂嗰一刻，眼淚係咁流，好感動！」
三個月大貓B可樂上周五遭白衣男在店外抱走，事隔三日，警方拘捕偷貓賊並救出可樂。馬太前日接回可樂，但可樂疑受驚尖叫，「佢好似小朋友叫救命咁，我叫佢，佢先平靜咗」。
可樂昨晨被帶回荔枝角道的舖頭，馬太說：「我一直抱住佢，佢好鍾意我拍屁股呵佢瞓，佢好享受，佢一返到舖頭就衝上樓，但冇食嘢，明顯同平時唔同。」可能可樂仍猶有餘悸，表現反常，「平時我一返嚟，佢會即刻衝過來，今（昨）日佢反而匿埋，豎起晒啲毛，係驚。」
不過，可樂吃過貓糧及零食後，又變回紮紮跳的頑皮貓。為保可樂不再走失，走出街外讓不法之徒有機可乘，馬太買來貓繩，「我會放佢入籠，買條繩畀佢，放佢出門口，會用繩綁住。」
主人感謝街坊施援
她說街坊愛與可樂玩耍，她前日往警署途中，已收到十多名街坊朋友的訊息，通知她尋回可樂的消息。她感激曾經施援的各方人士，「冇諗到咁快搵到可樂，好幸運，離唔開大家嘅努力。」
馬太直言，可樂失蹤後，她打定輸數尋不回，「冇信心，覺得偷貓賊會滅口，佢生存機會好渺茫，當差人打電話畀我話搵到可樂，我冇出聲呆咗停喺度。」問到馬太會否痛恨偷貓賊，她不諱言：「唔係好嬲，自己都有責任！」
文章
