近月，在社交平台看到越來越多香港人因移民而替寵物找新主人。但是，如果你移民，會否留下不能自理的家人給其他人「收養」？既然不會，又為何留下自己的貓狗？其實帶貓狗移民絕不複雜，本地貓義工Lisa Olausen將於10月移居馬來西亞，帶同8隻貓貓齊齊走佬。
在香港貓義工界別，Lisa的名字絕不陌生，皆因她已當了17年貓義工，也出過非牟利的相集《貓天使》。不過，對本地流浪貓來說有個壞消息，就是Lisa今年10月就要移居馬來西亞，「其實2011年已經喺嗰邊買咗樓，不過都係近一兩年先真正決定移居過去，因為唔捨得人又唔捨得貓吖嘛，而且香港嗰陣情況冇咁差，而家生活指數實在太高。」雖然準備離開，不過Lisa仍然愛香港貓又愛香港，8月18日一樣有出來冒雨集會，救貓亦救到最後一刻。
申請「第二家園計劃」 不忘救貓初衷
申請「第二家園計劃」 不忘救貓初衷
Lisa於2011年花費約220萬，在馬來西亞購置一間1,800呎兩層高的獨立屋連花園，現在要買同樣的獨立屋需約260萬港元。「都平過香港好多好多啦，而且嗰邊天氣、飲食都好，人又友善，又講廣東話。」Lisa說救貓救到最後一刻，不是說笑的，「唔捨得街貓，唔只餵過嗰啲，冇見過嘅都好唔捨得，因為之後救唔到佢哋喇嘛。其實今年就應該開始唔再收養，但見到又忍唔住收吓收吓，去到個幾月前先出晒領養。出唔到嘅，自己啃埋。」歷年「啃」了20多隻沒人領養的，有些已離世，前幾個月本身有5隻，加上沒人領養的3隻，共有8個寶貝成為馬拉走佬團一員。
去到馬拉，Lisa都希望繼續幫助流浪貓，「去過好多次視察，嗰邊啲人好鍾意貓，啲貓又好黐人，不過就放養多，所以四圍都有，而且好多冇絕育。之前了解過，嗰邊都有義工捉流浪貓絕育，到時希望我都會幫手，見到點捨得唔幫？」難找到人領養貓貓，可能因為成貓相對不受歡迎，也可能是貓貓的性格問題。一見到記者加攝影師入屋，貓貓即時四散鑽窿鑽罅be water！說到帶8隻主子移居，最難搞是入籠。「移居馬拉，要打兩支針，一支預防針，一支瘋狗針，再打晶片，晶片唔係香港本身寵物打嗰隻，係要打國際晶片。嗰日要捉晒8隻貓入籠去獸醫度，我足足用咗兩個鐘。」然而噩夢才剛開始，「去到診所要將佢哋放入洗衣袋撳住先打到針，不過有3隻大力又惡死，爆開個洗衣袋之後仲四圍咬護士，最後要聞氣麻醉才成功打針打晶片。」 8隻貓，合共花了六千多元打針打晶片。「如果唔係要麻醉就平啲嘅，之後成班嬲咗我一晚唔搵我，第二朝先冇事。」不只貓貓怕，貓奴也怕貓貓要睇醫生，另一個準備就是在馬來西亞找一個好獸醫，「幾個月前已問定嗰邊嘅貓友，非常重要。」
機票方面都很重要，Lisa選擇馬來西亞航空，「問過國泰，每部機限5隻貓上機，咁我有8隻嘛，馬航就冇呢個限制。」之後每隻貓收費當行李計，「1kg按照10美元計算。要寄艙都好擔心呀，聽朋友講移民加拿大就好，貓狗都可以同主人一齊坐，而家唯有買咗啲噴霧幫佢哋紓緩情緒，希望佢哋冇咁驚，一緊張又病。」除了病，最擔心還有捉貓入籠，「最驚上機前一晚捉唔到佢哋入籠，朝早8點幾機，我預半夜12點就要開始捉貓，3點去機場，嗰晚唔使瞓，其實一日未全部返到新屋企都會擔心。」
上機寄艙有限制 落機隔離7日
去到馬拉，Lisa都希望繼續幫助流浪貓，「去過好多次視察，嗰邊啲人好鍾意貓，啲貓又好黐人，不過就放養多，所以四圍都有，而且好多冇絕育。之前了解過，嗰邊都有義工捉流浪貓絕育，到時希望我都會幫手，見到點捨得唔幫？」難找到人領養貓貓，可能因為成貓相對不受歡迎，也可能是貓貓的性格問題。一見到記者加攝影師入屋，貓貓即時四散鑽窿鑽罅be water！說到帶8隻主子移居，最難搞是入籠。「移居馬拉，要打兩支針，一支預防針，一支瘋狗針，再打晶片，晶片唔係香港本身寵物打嗰隻，係要打國際晶片。嗰日要捉晒8隻貓入籠去獸醫度，我足足用咗兩個鐘。」然而噩夢才剛開始，「去到診所要將佢哋放入洗衣袋撳住先打到針，不過有3隻大力又惡死，爆開個洗衣袋之後仲四圍咬護士，最後要聞氣麻醉才成功打針打晶片。」 8隻貓，合共花了六千多元打針打晶片。「如果唔係要麻醉就平啲嘅，之後成班嬲咗我一晚唔搵我，第二朝先冇事。」不只貓貓怕，貓奴也怕貓貓要睇醫生，另一個準備就是在馬來西亞找一個好獸醫，「幾個月前已問定嗰邊嘅貓友，非常重要。」
機票方面都很重要，Lisa選擇馬來西亞航空，「問過國泰，每部機限5隻貓上機，咁我有8隻嘛，馬航就冇呢個限制。」之後每隻貓收費當行李計，「1kg按照10美元計算。要寄艙都好擔心呀，聽朋友講移民加拿大就好，貓狗都可以同主人一齊坐，而家唯有買咗啲噴霧幫佢哋紓緩情緒，希望佢哋冇咁驚，一緊張又病。」除了病，最擔心還有捉貓入籠，「最驚上機前一晚捉唔到佢哋入籠，朝早8點幾機，我預半夜12點就要開始捉貓，3點去機場，嗰晚唔使瞓，其實一日未全部返到新屋企都會擔心。」
上機寄艙有限制 落機隔離7日
落機之後還要隔離7日，「使費方面，仲有就係嗰邊嘅7日住宿費。建議喺香港搵定嗰邊嘅agent幫手搞，落機就有agent接機直接去隔離嘅地方，雖然未知幾錢埋單，不過聽之前移居過去嘅貓友講，環境都可以嘅，有冷氣房，又可以每日探佢哋。」老實說，要和寵物移居外地，說難不太難，說容易？也不簡單，但一家人齊上齊落，一隻都不能少！「所以我媽媽都要遲啲先過到嚟，因為佢自己有3隻貓，嗰3隻貓都14、15歲，移居馬拉太操勞佢哋，驚佢哋頂唔順，所以留港照顧到3隻貓貓百年歸老先過嚟。」要留意的是，不少國家也有不能入境的貓狗品種，所以貓爸爸狗媽媽，計劃移民前要先為「家人」搜集好資料。養寵物的責任，是一世的承諾。愛動物的香港人，加油！
貓貓移居馬來西亞五小步
1.找獸醫診所打預防針、瘋狗針（如屬首次注射，寵物必須在注射後居留香港多於21日才可起行），以及打國際晶片。預防針與疫苗各國規定略有不同，部份有效證明如抽血證明須提早180天前處理。
2.去漁農處填form，即是簽發或加簽動物健康證書。
3.出發前由認可獸醫檢驗，證明健康狀況良好。
4.提早聯絡航空公司，以及詢問運輸寵物的相關規定。留心短鼻狗和短鼻貓，許多航空公司都表示不能登機，而且運輸籠亦有規格要求，包括大小及使用材質，有足夠的透氣孔以免寵物在艙內焗暈；有足夠空間讓寵物能站立在籠中，轉身及躺卧；需配備固定的食物托盤和供水器，同時亦應在寵物籠底墊上吸水的物料。
5.提早預約當地隔離地點，不同地方有不同隔離日數，大馬、台灣也是7日，澳洲、新西蘭10日，新加坡則1個月，汶萊就要隔離半年！美國、加拿大、英國、日本則不需隔離。
貓貓移居馬來西亞五小步
1.找獸醫診所打預防針、瘋狗針（如屬首次注射，寵物必須在注射後居留香港多於21日才可起行），以及打國際晶片。預防針與疫苗各國規定略有不同，部份有效證明如抽血證明須提早180天前處理。
2.去漁農處填form，即是簽發或加簽動物健康證書。
3.出發前由認可獸醫檢驗，證明健康狀況良好。
4.提早聯絡航空公司，以及詢問運輸寵物的相關規定。留心短鼻狗和短鼻貓，許多航空公司都表示不能登機，而且運輸籠亦有規格要求，包括大小及使用材質，有足夠的透氣孔以免寵物在艙內焗暈；有足夠空間讓寵物能站立在籠中，轉身及躺卧；需配備固定的食物托盤和供水器，同時亦應在寵物籠底墊上吸水的物料。
5.提早預約當地隔離地點，不同地方有不同隔離日數，大馬、台灣也是7日，澳洲、新西蘭10日，新加坡則1個月，汶萊就要隔離半年！美國、加拿大、英國、日本則不需隔離。
文章
