尊重生命，從小教育！天水圍一間寵物店開放領養倉鼠，早前突然有一位自稱小學五年級學生欲申請領養，但竟然查詢可否郵寄交收倉鼠，讓職員震驚不已。寵物店拒絕要求之餘，更耐心地運用比喻，教導他將心比己以及尊重生命的價值觀，獲網民大讚有耐性、「好忍得」。寵物店在Facebook分享事件時表示「要冷靜、努力地代佢哋嘅父母教育下一代」。
該名小五學生早前透過WhatsApp傳送信息給寵物店，表示想領養倉鼠，下一句隨即問道可否使用快遞服務。職員起初感到十分疑惑，問道「唔好意思我唔明白你嘅意思？」、「請問郵寄甚麼？」小五生便回應指「寄hamster(倉鼠)」，職員得知後表現十分震驚，反問：「郵寄倉鼠？唔係嘛？」
事件引起熱烈討論，有網民指該名小學生「無禮貌、唔尊重生命」、「五年級都唔細啦」；亦有人說「小朋友慢慢教，好多人在飼養寵物後才知道同理心」、「教育比責罵好一點點，小五可能真係冇諗咁多」。有網民認為父母或需負上責任：「有啲人係佢父母都冇呢個意識，所以變相佢都冇。」寵物店回應：「其實好怕如果我哋太大反應令到佢唔敢再喺網上發問或者領養，都會怕唔知邊一句說話會觸發到令件事有反效果。」因此他們只好冷靜、耐心地教育對方。
有關寵物店在其Facebook專頁表示店內絕不售賣動物，只於門市設立小動物領養專區，而挑選領養人亦有既定程序及要求。
圖片來源：受訪寵物店
文章
