《東方日報》，2021/8/7
土地不足嘅問題不但降低居住質素，就連動物福利都受影響。議員陳克勤早前出席一個訪談節目就提到，政府曾承諾18區都要有寵物公園，之不過部分寵物公園嘅位置較偏僻，對於無私家車嘅寵物主人嚟講，頗為不便，加上香港人煙稠密，寵物公園好難做到每區都有。雖然增設寵物公園會受到客觀條件嘅限制，但陳認為有方法解決咁話。
共享公園 人狗開心
陳克勤話明白到，的確係有唔喜歡小動物或懼怕狗狗嘅市民，而香港地方又好細，未必做到每個區都有一個獨立嘅寵物公園，如果搵唔到地方去開一個新嘅寵物公園嘅話，佢建議喺現有嘅公園之下，撥出某啲地方，喺限定時段之內容許動物或狗隻入內做吓舒展運動，主人又可以同寵物跑吓玩吓，咁就可以同一個公園，大家都能共享共用，唔使好多額外資源都可以做到。
文章
