原文連結在此 : https://www.hk01.com/18%E5%8D%80%E6%96%B0%E8%81%9E/575443/%E6%B0%B4%E8%B2%A8%E8%A1%97%E7%96%AB%E7%97%87%E8%A6%8B%E8%88%88%E8%A1%B0-%E4%B8%8A%E6%B0%B4%E9%AB%AE%E5%BB%8A%E6%88%90%E6%B5%AA%E6%B5%AA%E9%81%BF%E9%9B%A3%E6%89%80-%E9%96%8B%E8%B6%B35%E6%97%A5%E5%89%A9%E4%BF%82%E9%A4%B5%E7%8B%97
「返嚟時準備啲乾濕糧，零食就好少食，或者烚啲雞旦雞肉撈落糧度。」去年新冠疫情到來，令髮廊生意大受打擊，她試過連續五日零生意額。「我試過足足四至五日，一個客都無做到…個排真係好似純粹返嚟餵狗。」但她笑言：「客少咗，狗糧又買定多啲咯。」完全未有因生意慘淡而虧待流浪狗。
她視流浪狗如朋友，只因十年內見盡上水的興衰經歷。她回憶開業大約一至兩個月後，返工途中遇上第一頭流浪狗，遂定時在該處餵飼，未料該唐狗似懂性般，有一天突然直接到訪其髮廊，「佢好乖，見我做嘢，剩係喺門口擺尾，擺到條尾好似直升機咁。」該唐狗其後更帶來五、六名同伴到訪，自此髮廊便成為浪浪接待所。
動物不但感恩，還知道不找別人麻煩，彤師傅稱每次接待客人時，流浪狗從未試過入室干擾其工作，但冬天又生怕牠們着涼，「佢哋好乖會瞓出門口，瞓埋一邊畀我做嘢，但佢哋太凍，我會鋪啲毛氈畀佢哋瞓。」
隨着內地自由行熾熱化，上水發展成水貨一條街，街頭街尾均是化妝品連鎖店及藥房，不但老店被迫走，就連流浪動物亦遭殃。「自從水貨客多咗後，佢哋(流浪狗)唔可以同我咁樣行出去，篋又多啦，人都無地方行，有人投訴咁多流浪狗呀，叫漁農處嚟捉狗。」
人心恐佈之處，在於捉狗不成，傷害隨之而來發生。「咁大隻唐狗，手背揼咗口釘入去，佢返嚟跛下跛下隻腳；仲有一隻條頸插住條木棍，拎開原來木棍有釘，咁佢又未死得走返嚟，拿拿臨抱佢去(獸醫)診所搞。」
無終止的傷害，最終令她決定為流浪唐狗尋家，部分已成功「出Pool」獲有心人收養，其餘留在狗場由她自掏腰包照料，避免流落街頭。
雖然去年的疫情，將水貨舖一鋪打殘，上水不少店面已結業正待放租，惟彤師傅稱大部分流浪狗已知道人類不再視牠們為朋友，改變生活習性，留落鄉郊或山頭生活，清晨才到巿區垃圾堆中搵食，不再出入鬧巿，她因應現狀定期定點餵食，令牠們不致捱餓。
更令彤師傅心寒的是，近月疫情瘋傳寵物確診新冠病毒會傳染主人，自此便出現寵物狗棄養其髮廊門口，令她百上加斤：「石湖墟改變得太多，無晒人情味，太冷漠啦，所以啲狗盡量走得，我安排佢走…不過醫療費好重，唔係個個畀得起，你見到唔救又好心痛，自己又無本事救晒，我可以點呢?」她呼籲狗主不要棄狗，只盼小店能做榜樣，為流浪狗爭取社區共存空間，已是力所能及的份內事。
和富社會企業舉辦社區計劃項目「社區改變者」，邀請年輕人在導賞團中到訪八個社區，當中「hi salon」獲選為其中一個到訪點，由彤師傅向年青人講述對流浪狗的關愛，從中借鑑她對社區的貢獻與關懷。
文章
