原文連結在此 : https://www.inmediahk.net/node/1081281
交通黑點：彎位多，車速快、不熟路
流浪牛車禍發生的地點：嶼南道，是大嶼山南部主要來往東、西兩邊的交通大動脈，由梅窩出發，經貝澳、長沙、塘福、水口及石壁水塘東端，連接羗山道及大澳道。該道路彎位多、道路窄，特別是貝澳坳、䃟石灣與羗山道，若不熟路，很易發生交通意外。
即使是嶼巴司機，榮先生仍說自己不太熟悉整條路，他說：「如果成日有牛，未必及時收慢到。有時候條路啲牛頂住咗，對面線司機又睇唔到，照踩去對面線，就會發生意外。」楊先生在大嶼山駕車逾十年，現為大嶼山的士司機，他表示，駛經貝澳等村落時，要減慢車速，因為「周不時會有狗啦、貓啦，有時啲居民都要過路」。貝澳街坊、人稱「牛媽」的Jean指出，牛隻被車撞事件在嶼南道不時發生，長沙更是不少事故的交通黑點，「因為長沙啲路係直路，無車，司機就開得快啲」。
如果嶼南道有更多自駕遊
去年11月，運輸署建議增加「大嶼山自駕遊」計劃及簽發大嶼山封閉道路通行許可證，每日私家車配額由25個增至50個，遭離島區議會一致反對。其實早在2015年，政府曾提議開放更多私家車配額，推動當地旅遊發展，但引起居民擔憂區內交通不勝負荷而不了了之。
離島區議員郭平批評，嶼南道交通多年來沒有任何改善，「如果開放嶼南道，外來司機唔會相讓，更唔熟習彎位」。楊先生表示，他絕對反對開放嶼南道，「而家大嶼南嘅配套根本唔夠，例如泊車位唔夠啦、交通標誌同路牌指示唔太清晰，如果多咗咁多車嚟，我相信交通一定更加混亂，發生意外嘅機會高好多」。榮先生則認為，如要開放嶼南道，一定要改善現有道路設施，「有啲位可以擴闊就擴闊啲，咁就會安全啲」。
Jean同樣反對現階段開放嶼南道，認為政府多年來沒有監管嶼南道車速問題，擔心外來司機對環境不熟識，加上道路警告牌不足，令牛隻被車撞機會大增。她說：「起碼要改善個嶼南道先開放。」
如何防牛被車撞？
嶼南道牛隻道路安全問題存在已久。現時運輸署已在嶼南牛隻經常出沒的地點設置48個「小心牛隻」路牌，同時正研究仿傚西貢郊野公園，設置牛路坑，令牛隻無法走進馬路。
牛路坑的設計類似水渠蓋，面積較大，可限制牛隻的步行範圍。郭平對牛的習性有一定觀察：「你有冇發現，逢親水渠蓋嘅嘢，啲牛唔會行過去，因為嗰個蹄呢，佢哋行嗰度係食唔到力㗎。」不過，他對設置牛路坑有保留，「聽講過西貢有牛真係個蹄攝咗落去而受傷」。榮先生認為牛路坑不太可行，「如果有時佢哋想行去山坡就行唔到」。
如果在大嶼山設置「綠色動物通道」又如何？郭平表示：「例如喺塘福，牛會經過馬路上山、落田，夜晚上山訓覺，朝早落田。你挖一條隧道過一過馬路，可以保護佢哋。」Jean也認為：「一定要有條動物通道。」楊先生雖認同建議，但也有憂慮：「大嶼南地方唔係好大，唔似外國咁大，成效未必好大。」
文章
