反修例風波搞咗咁耐，經常見到有警員帶埋警犬上陣，鏡頭仲多次拍到警方喺施放催淚彈期間，警員自己戴防毒面罩，但警犬就乜裝備都冇，事後有好多愛護動物團體鬧差人咁等同虐待警犬。民主派議員噚日喺立會就呢個問題質詢保安局局長李家超（圖），李家超一向撐警，但對警犬佢就似乎唔係咁，死都話警犬好健康，就係唔答催淚煙對警犬有冇影響，俾成班議員鬧爆。
話冇收健康問題報告
李家超喺答問題時，就梗係講到催淚煙影響好低，又話警犬經過嚴格訓練，有健康檢查，不過就冇備存6月以來警方為處理示威活動出動警犬執勤嘅次數，亦冇收到領犬員報告警犬執勤後出現健康問題。
講咁大堆嘢，李家超就係隻字冇講，究竟警犬有冇受催淚煙影響？民主黨尹兆堅就鬧佢回應不合理，仲嘲諷佢，如果好似佢咁講，即使面對催淚煙，有接受嚴格訓練，又有健康檢查就夠，你咪試吓叫警察出催淚彈時候唔好帶面罩，睇班差人肯唔肯？朱凱廸又問李家超，相信李唔會話接受警員可以喺冇保護裝備下吸催淚煙啩？咁警方同漁護處係咪接受警犬喺冇保護裝備下吸催淚煙呢？
講咁大堆嘢，李家超就係隻字冇講，究竟警犬有冇受催淚煙影響？民主黨尹兆堅就鬧佢回應不合理，仲嘲諷佢，如果好似佢咁講，即使面對催淚煙，有接受嚴格訓練，又有健康檢查就夠，你咪試吓叫警察出催淚彈時候唔好帶面罩，睇班差人肯唔肯？朱凱廸又問李家超，相信李唔會話接受警員可以喺冇保護裝備下吸催淚煙啩？咁警方同漁護處係咪接受警犬喺冇保護裝備下吸催淚煙呢？
文章
