Headline Daily P13 港聞 |465 Character(s) |2025-03-12
港鐵中環站早前舉辦《同萌社區》貓店長．窩心攝影展，依家睇嚟，好似係「伏筆」！Kelly就得悉，港鐵研究緊寵物友善措施，包括容許乘客攜帶寵物搭港鐵，最快今年上半年拍板。唔少寵主聽聞消息後，都好開心，話終於可以帶住「毛孩」坐港鐵「任意行」喇！
現時全港有超過24萬個住戶飼養狗或貓。據悉，港鐵多年前曾討論設「寵物車廂」，初期只限非繁忙時間或假日容許寵物乘車；亦有建議認為，應只限涉及新界區的指定港鐵路綫，但最終不了了之，到早前再提出討論。港鐵就回應話，公司致力提供安全、可靠和舒適的鐵路服務，需考慮及平衡不同因素，會繼續與不同持份者保持溝通。
據《香港鐵路附例》，現時除了導盲犬或港鐵行使酌情權許可者外，不得將任何動物或其他禽畜帶進或帶上鐵路處所，違者可以被罰款5000元及監禁6個月。所以，唔少主人寧願自己開車或搭的士同「毛孩」外出。
所以，唔少網民得知消息後都好興奮。有人話：「早應該這樣做了，香港已經落後很多了」、「以後可以方便帶寵物看醫生喇」；亦有網友建議：「可以規定將寵物入袋，不打擾其他乘客。」
聯絡電郵：editoral@hkheadline.com
文章
