Oriental Daily News A10 政情 |487 Character(s) |2022-07-23
近年香港嘅野豬數量愈來愈多，並由此衍生好多問題。沙田前區議員潘國山，早前趁着華燈初上，聯同漁護署、房屋署人員前往沙田隆亨邨一處毗連山坡嘅通道，尋找野豬的蹤迹。之不過，點解要喺日暮時分嚟搵野豬呢？
同意禁餵飼擴至全港
潘國山解釋，係因為該處嘅野豬，通常喺夜幕降臨之時出嚟「開餐」，至於食物來源，通常係摷垃圾桶、或者附近居民嘅殘羹剩食，換言之，有人餵野豬囉。而當日，佢哋就見到5隻野豬，都係唔多怕人，好似「見慣世面」咁。潘又話，雖然房屋署已經喺山坡同通道之間架設鐵絲網，然而野豬竟懂得喺鐵絲網同雨水渠之間嘅空隙出入，真係防不勝防。雖然漁護署對付野豬，係先捕捉後絕育，但當日礙於麻醉師不足，要改日先至有行動。
雖然上址未有野豬傷人嘅報告，不過潘國山話附近有幼稚園，安全方面不能掉以輕心；況且野豬隨地排泄，影響衞生，而山坡又有原居民墓地，盛有先人骸骨嘅金塔會被野豬破壞，因此控制野豬係大有理由，而佢亦同意修例，將禁止餵飼野生動物嘅做法，由郊野公園擴展至全港範圍。至於捕殺，佢認為係最直接嘅手段，然而民居地帶並不適宜，更何況，是否重啟野豬狩獵隊亦頗多爭議。
野豬餵慣了
更具攻擊性
他強調，一般市民都不應該進行任何餵飼行為，以野豬為例，數量其實並沒有大幅度增長，但由於有人餵飼，改變了野豬的生活習性，令野豬更喜歡進入社區，造成擾民現象。特區政府修改法例，並不是為了滅絕野豬，而是希望野豬重回野生，這才是對牠們最好的保護方法。
謝展寰表示，目前，野豬出沒的情況雖然少了，但野豬傷人的數目卻沒有減少，他懷疑是因為以前有人餵飼，現在牠們沒法找到食物，就會開始搶奪，令牠們可能更具攻擊性。他提醒市民一旦見到野豬，應該及時避開，以免發生危險。
他指出，目前仍有少數人堅持餵飼野豬，部分甚至已經被罰多次，因此特區政府擬加強罰款，以起警示作用。特區政府未來會雙管齊下，先移除已改變習性的野豬，同時禁止市民進行餵飼的行為，以防止有更多野豬因而改變習性。相信在加強教育下，這問題可得到明顯改善，令市區恢復穩定。
文章
