Headline Daily P10 港聞 |378 Character(s) |2024-08-14
海洋公園正準備迎接中央送贈一對大熊貓，表示大熊貓嘅居住環境，會盡量模仿其生活嘅自然環境，並透露今年春天盈盈有發情徵狀，園方有讓盈盈、樂樂進行交配。
海洋公園海濱樂園動物部助理館長胡綺琪形容，大熊貓就好似人類一樣，每隻都有唔同性格，園方會設計唔同嘅環境讓大熊貓自由發揮，相信無論來港嘅大熊貓屬於哪種性格，都可以好快適應，居住環境將有唔同設備，盡量模仿大熊貓生活環境。
新大熊貓轉換環境時會有食物過渡期，因此園方會先把廣東省嘅竹子運送到四川，讓佢哋預先習慣到香港後會進食嘅竹子品種，大熊貓來港後亦會餵食四川嘅竹子讓其過渡，並安排原有嘅團隊照護新大熊貓。
來港已17年嘅大熊貓盈盈、樂樂仍未生育，胡綺琪話，今年春天盈盈有發情徵狀，園方有讓盈盈、樂樂進行交配，未來會再觀察佢哋嘅情況，亦會同四川大熊貓專家緊密溝通。
文章
