寵物餐廳攞唔到牌轟香港法例落後 主人與狗無緣一齊Tea

《蘋果日報》，2012/3/9

寵物餐廳在外國流行多時，但香港卻未有一間可供人狗同時用餐的「寵物餐廳」。由於無法向食環署取得食肆牌照，有狗主大嘆：「人食得嘢嘅地方狗唔入得，狗食得嘢嘅地方人就唔食得，好無奈。」有關注寵物權益人士建議政府修例為市民提供方便。

現時全港有逾41萬隻寵物，每十戶就有一戶飼養貓狗等寵物，不少寵物配套如公園、商場順應而生，新蒲崗新建商場Mikiki便以容許貓狗寵物入場作招徠，在場內開設吉之家寵物店的黃先生本欲一併開設寵物餐廳，讓貓狗主人在開揚環境聚腳，並分別提供人、狗食物讓寵物及主人醫肚，惟食環署拒批食肆牌，他惟有在餐廳只提供寵物食品。

樓上舖走法律罅經營

黃先生慨嘆：「寵物餐廳呢個概念係外國流行好耐，香港一直未有，食環署嘅做法反映到政府想法好落後。」對於可帶貓狗入商場，卻不可一起用餐，飼養金毛尋回犬的林小姐大嘆：「人食得嘢嘅地方狗唔入得，狗食得嘢嘅地方人就唔食得，好無奈。」

食環署表示，動物的毛、身體及排泄物可能有病原體，對顧客構成健康風險。《食物業規例》規定，任何人不得將狗隻帶進食物業處所，違規最高可被判罰款10,000元及監禁三個月；惟以會所形式經營則不受上述法例規管。

現時市面的寵物餐廳大多以樓上舖方式經營，均沒申領食肆牌。黃先生指出，業界只有在法例的灰色地帶上掙扎求存，「有啲餐廳會向民政事務署申請會所牌照，行會員制，咁就可以不受規管同時提供寵物同人嘅食物，不過領牌就要跟番會所準則，例如牆壁要防火，喺用落地玻璃櫥窗嘅地舖開業有一定難度」。

非牟利獸醫服務協會執行主席麥志豪表示，食環署一向以寵物有機會傳染疾病，禁止人狗共處一室進食，想法荒謬：「咁香港咁多飼養寵物嘅人咪病死晒？」他認為可透過設立更嚴格的衞生規範，而非一刀切全部禁止。