日前有狗主報稱在23日下午，一隻白色松鼠狗(急急子)於元朗八鄉橫台山走失，狗狗年齡大約12歲。狗主把尋狗的資料放上網，同日有市民在橫台山附近巧遇走失的急急子，人狗終可團圓。
尋獲狗狗的市民在其社交平台上分享，已帶牠去沖涼、剪指甲以及把打結的毛都理好，「全身好多牛蜱，沖涼捉左10幾隻，梳毛時再捉左10幾隻」、「可能無把毛髮梳理好，打結的毛髮不斷增長到佢屈到條尾變左型。」
網友了解過後，紛紛持著懷疑的態度表示：「琴日睇到以為浪浪嚟 養到咁」、「指甲咁鬼長，似係無良繁殖場掉出街」、「返去都係死路一條」。
狗主其後亦現身在尋狗貼文下回應：「佢唔比人剪佢指甲㗎⋯剪佢指甲佢好大反應。牛蜱佢本身有少少。佢一出門口牛蜱就蟻褸蜜糖咁」，但網友們則答道：「人哋一執到你隻松鼠狗都即刻剪到指甲同沖涼，你同你屋企人唔識呢啲…點可以一直由得佢咁(畀)蟲咬，啲毛打晒結，啲指甲咁長佢行路都唔舒服喇！」「老狗身上有2O幾隻牛蜱吸佢血！老狗好易貧血死」
(圖片來源：Fluffy Pets @ FB專頁)
拾獲狗狗的那位熱心市民表示：「(狗主)佢哋都好緊張同關心，同狗狗已老，眼睛又睇唔到，喺熟悉環境生活會比較好，放心，我會同狗主保持聯絡。」
牛蜱預防方法:
感染牛蜱熱會出現昏睡及食慾不振、發燒、呼吸困難、嘔吐、因脾臟漲大而導致腹部疼痛等急性或慢性病徵；即使得到治療，仍然會因病情太重而導致死亡，有些個案即使康復，日後仍有復發的可能，所以牛蜱問題，絕對不容忽視。
除每月使用除牛蜱藥水外，可同時使用牛蜱帶。避免帶狗隻到牛蜱較多的地方，如樹林和草叢。如果家裡有花園的話，定期除草是必須的。每次外出後，應檢查狗隻身上有沒有牛蜱，耳朵、腋下、內胯、尾巴下方近肛門位置、腳趾縫等地方應份外留神。如發現有牛蜱，切勿用手強行拔掉，使用沾有酒精的棉花將其焗暈，移除後放入裝有酒精及密封的容器內，確保牛蜱徹底死亡。
蜱蟲除了會威脅毛孩健康，人類亦須同樣小心，近日外國有一位7歲小童，在野外被蜱蟲咬到後，雙腳癱瘓近12小時，想知道預防方法可參考以下報導：「野外嬉戲遭蜱蟲咬 ７歲童雙腳險癱瘓致死」
文章
