原文連結在此 : http://www.hkanimalpost.com/2019/06/02/06021/
有網民在網上群組「馬鞍山之友」發帖，指目擊一名揸黑色寶馬著黑色Superdry T shirt 的年輕男車主，於2019年6月1日傍晚駕駛著黑色寶馬沿馬鞍山村駛往鹿巢山的車路「深山野嶺爛地」，放低隻狗仔拉布拉多狗於「荒山野嶺」痾屎痾尿，但當一見到班民安隊隊員就即刻拉隻狗上車，不准狗狗繼續痾埋篤屎。
惟最後晚上約10時，該網友指「民安隊係馬鞍山郊野公園燒烤場附近搵到你隻狗，當時落近大雨，隻狗被發現時全身濕哂係凍冰冰既山嶺度飲緊地下d 污糟水，身上得番條狗鏈，冇牽引繩，最後民安隊帶左你隻狗去愛護動物協會。」該網民呼籲，「我相信你同屋企人而家應該好擔心隻狗，快點去愛護動物協會認領番你屋企隻狗啦」又著他以後別再帶狗狗到荒山野嶺，「如果你真係有心遺棄隻狗，我寧願你鎖佢係街都好過甘滅絕人性送佢入荒山野嶺等死。」
愛協對本報表示，因為該狗隻有晶片，需要漁護署聯絡主人，漁護署已經嘗試聯絡主人，但一直未找到。由於愛協空間有限，暫時未能安排狗隻繼續在中心等待，所以會先送往漁護署，待漁護署繼續尋找主人。「但我們已經在送交文件列明：一旦該狗隻主人選擇棄養或漁護署確認未能找回主人，正式收回該狗隻擁有權，我們願意接收該狗隻，再為牠安排領養。」
本報會繼續跟進狗狗情況。
文章
