Ta Kung Pao A07 港聞 |609 Character(s) |2022-06-09
寶覺小學校長鍾麗金指出，七年前常識科Don老師提議建立寵物閣，她經過一番考慮後，相信是一件有意義且有趣的事，最重要是同學們會開心，決定建立寵物閣。學校特意向漁護署申請飼養樹蛙，令學生認識更多珍貴的動物，希望同學在校外見到其他動物，會明白大家有不同生態，能好好保護牠們的生命。
SEN生學懂與人接觸
「我好記得有一個特殊教育需要（SEN）嘅學生，佢嘅性格好內向，甚至偏向自閉。佢完全唔同同學講說話，亦唔想同同學接觸，老師同佢亦都有一定距離，好難同佢傾到偈。但自從佢接觸咗動物之後有明顯改變，佢變成每一日最準時向老師報到去照顧動物，而且佢出嘅力比其他同學更多，有時仲會幫其他同學照顧，無論性格定說話方面都有改善，由唔講嘢到會講嘢，因為喺照顧過程中好多嘢要問老師，佢就肯開口講嘢。好感恩同學有轉變，令我發現動物對小朋友有治癒作用，希望同學能夠學習珍惜、愛護之外，佢哋長大之後都要呢份愛心延續落去。」
副校長樂凱欣亦十分支持建立寵物閣，現時寵物閣是一項課外活動，只會邀請小四至小六，真心想照顧動物的學生參加。「發覺呢班同學多咗責任感，放長假佢哋會約老師返學校探動物，餵動物、幫手清籠；自信都明顯多咗，當同學仔學識照顧，或者摸到動物，佢哋會自豪將動物養得好好；另外，同學仔同動物之間嗰種愛係好無條件，有時會邊照顧邊同動物傾偈，將佢哋當成朋友，令同學嘅心靈寧靜嘅同時紓緩到壓力。」
文章
