驚狗受「氣」余若薇搵環保署

《蘋果日報》，2011/3/11

有團體早前引入導盲犬來港服務失明人士，公民黨余若薇為小狗「勞工權益」發聲，早前去信漁護署同環保署，指香港空氣污染情況嚴重，擔心導盲犬長時間在街上「工作」，吸入太多廢氣可能損害健康，查詢兩個政府部門有冇考慮動物福利問題。

余大狀又問政府部門有冇做研究，或者有冇數據，顯示空氣污染如何影響動物健康，佢又建議政府部門制訂適合動物嘅空氣污染指標，如果數據超標，動物就唔好長時間在戶外活動。雖然余大狀問題比較刁鑽，不過環保署都有回覆，而且同樣有創意，該署承認目前無導盲犬健康受空氣污染影響嘅具體科學資料，不過動物主人可參考空氣污染指數，即係話有關指數人狗適用，如果仲有問題，去睇獸醫囉。