cut 開支建議 燒到漁護署

《蘋果日報》，2011/3/9

近年立法會辯論預算案，民主黨涂謹申必定提出刪除「線人費」開支，希望迫使當局公開更多用線人取得情報嘅資料，令開支更透明化，不過呢個刪除線人費嘅建議，例必遭到否決，民主黨對此唔單止不氣餒，今年更增加多一條戰線，開刀對象係漁護署。

據知民主黨今年會提出刪除漁護署每年用於人道毀滅動物大約 150萬元嘅開支，因為當局拒絕公開每年殺流浪貓狗數量。為咗回應動物權益團體訴求，唔想漁護署利用公帑濫殺動物，令一般市民都無辜雙手沾血，民主黨決定建議刪除呢筆開支，目的同刪除線人費一樣，都係希望漁護署提高透明度，人道毀滅流浪動物唔好再黑箱作業。