海洋公園申54億 議員質疑顧問費逾千萬

《蘋果日報》，2020/5/20

立法會財委會昨繼續審議政府申撥54億元，以紓解海洋公園財困危機的議案，惟最終未能表決，需再開會討論。多名民主派議員會上批評園方並無發展計劃，形容撥款予海洋公園如同倒錢落海。惟多名建制派議員表明支持撥款，民建聯黃定光質疑撥款中逾千萬元顧問費的必要性，「你啲官做咩㗎？」

邵家臻斥倒錢落海

在兩個多小時的會議上，多名議員炮轟政府及海洋公園管理不善。民主黨鄺俊宇認為絕大部份港人不支持撥款，「講真我就唔擔心個公園，我只擔心啲動物」，質問園方一旦未能取得撥款，會如何處理動物。社福界邵家臻則指海洋公園確是港人集體回憶，但對年輕人而言，公園已淪為「廣東道的名店，即係唔係畀香港人去」，質疑向園方撥款「唔知有咩用」，「倒錢落海同倒錢落海洋公園有咩分別？」

地產及建造界的經民聯石禮謙亦指撥款是「why throw good money after bad」（把錢投進無底洞），「你𠵱家嚟拎54億，係難過登天」。民建聯何俊賢亦指「投唔投落去，只係同情你定唔同情你」。

商務及經濟局局長邱騰華回應時表示，政府對海洋公園的前路「抱有希望，公園可以繼續落去」。至於逾千萬元的顧問費，他解釋當中亦包括處理財務分析問題。

海洋公園董事局副主席劉鳴煒認為，園方一直義務向漁護署提供動物保育服務，亦在中小學做教育工作，「如果話公園只係一盤生意，做唔掂就執咗佢，我覺得係唔公道」。海洋公園行政總裁李繩宗指，園內有約7,500隻動物，一旦公園倒閉，會盡量尋找適合的地方運走動物。