唐狗「四眼妹」三 B女亡

《蘋果日報》，2011/6/28

《蘋果》昨日報道綜援漢葉樹德情願捱餓兩個月，拯救被車撞傷唐狗「四眼妹」一家八口的故事後，引起社會迴響，大批愛心市民希望捐款及贊助狗糧，更有人提出領養狗兒一家。德叔聞言心存感激，他透露其中 3隻 BB狗女因體弱昨日先後死亡，傷感之餘承諾會好好照顧「四眼妹及四個孫」，希望善心人將捐款及物資損助給愛護動物的團體，「鍾意動物嘅人都係有愛心」。

德叔表示，由於四眼妹腹部乳頭在意外中受傷，懷疑牠部份乳頭出不到奶水：「四眼妹九個月大，應該係第一次做媽媽冇經驗，唔識照顧，加上小狗早產，身體虛弱，其中 3隻懷疑食唔到奶水先後過身。」德叔已將 3隻 BB狗女葬於寓所對開後山，希望牠們入土為安。而四眼妹及其餘四隻小狗則健康良好。

「四眼妹唔識點餵奶畀仔女食，我o依家每隔幾個鐘會將將四隻小狗抱到佢身邊，確保佢哋可以咬到媽媽乳頭，飲到奶水。」德叔稱，會買多些有營養食物給四眼妹母子享用，希望牠們健康成長。

感激讀者捐錢捐狗糧

德叔得知很多《蘋果》讀者願意伸出援手，捐錢、送狗糧，甚至領養等，喜孜孜道：「好開心有咁多人伸出援手，我會繼續照顧四眼妹一家，有心人可以將錢同物資捐畀其他愛護動物團體，令更多動物受惠。」他又表示，由於過往經歷坎坷，亦自知在別人眼中無價值，但經四眼妹事件後，他收到很多慰問與援手，再次感受到人間溫暖。

此外，德叔透露，前日上午在上水區發現懷疑是「行兇」的士「 6874」，他上前截停的士並向司機查詢，以及記下車牌英文字母資料，「嗰司機話佢係揸日更，唔知夜更有冇撞到四眼妹，仲話新界的士有 3部係 6874，叫我查清楚」。德叔已將資料記下，打算今日向警方報案，緝拿兇手。本月 18日四眼妹在打石湖村口被的士撞及受傷，肇事的士不顧去逃。