老虎狗笨笨受虐瀕死 愛協報警

《蘋果日報》，2011/6/4

誰憐小笨笨！兩歲半的英國老虎狗小笨笨一年前還身體健碩，精靈活潑，疑因被疏忽照顧，致現時一身爛肉，瀕臨死亡邊緣。由老虎狗主人組成的「虎頭幫」出手拯救，接收笨笨後在 facebook發起全城「救救笨笨大行動」，為牠籌募醫療費及尋找真正有愛心的新主人。

「如果唔救，得幾日命」

「虎頭幫」女幫主王小姐於上月底收到一成員來電，要求代為處理其老虎狗笨笨，否則將牠人道毀滅，「我哋見到笨笨，嚇咗一跳，佢瘦到得番棚骨，九成皮膚潰爛，一陣腥臭味，兩隻眼佈滿綠色眼屎，情況好差，仲衰過流浪狗」。

一年前笨笨主人帶牠出席「虎頭幫」聚會時，王小姐見牠仍很「健康又靚仔」，體重約 80多磅，現在卻只餘下 42磅。「我哋即刻帶佢睇獸醫，醫生發現佢嚴重缺水，有急性腎炎同貧血，染咗毛囊蟲全身爛晒，如果唔救，得幾日命」。

「虎頭幫」網上籌款救治

「虎頭幫」在社交網站 facebook 開設群組發起「救救笨笨大行動」（http://www.facebook.com/event.php?eid=213646635336830）。自本周一至昨天，已有逾 450人支持，並籌得約二萬元。笨笨經治療後度過危險期，獸醫指康復期需約半年，醫療費暫未能估計。王小姐希望為牠找個好主人，惟她提醒飼養寵物是一生一世的承諾，「養狗前應該考慮清楚，唔好當狗係玩具，有病就將佢哋拋棄」。此外，因笨笨涉疏忽照顧，「虎頭幫」聯絡愛護動物協會跟進，該會昨晚檢查笨笨後即報警處理。