《蘋果日報》，2020/9/12
深水埗發生「標狗參」勒索案，一頭由越南食品店女東主飼養的10個月大貴婦狗，上周五凌晨在店舖內離奇失蹤，女狗主以為愛犬走失，遍尋不獲憂心忡忡，未料四日後竟收到陌生男子發來愛犬相片及訊息，指貴婦狗已被綁架，着她支付四萬元贖款，又威脅撕票。她拒絕就範並且報警，警方昨日在天水圍拘涉案情侶，並在兩人寓所內救出貴婦狗，事隔一星期終於人狗團聚。
遭綁架貴婦狗叫Coffee，越南籍女主人Dinh向本報稱，她在深水埗經營越南食品批發生意，今年3月領養當時4個月大的Coffee，平日Coffee會陪她開舖，形影不離，絕少擅自離開舖頭。上周五晚她在店內開生日會，朋友發現狗籠有污迹，遂打開狗籠讓Coffee出來，未料之後Coffee失去蹤影。
「我以為Coffee喺舖頭涼冷氣，點知去到凌晨1點先發現唔見咗」。Dinh指當時與朋友在附近找尋但無發現，透過《香港動物報》及facebook發帖尋狗。
威脅「斬開佢一碌碌」
直到本周三有陌生男子透過fb聯絡她，指Coffee在他手上，又展示多張Coffee近照，要求她支付四萬元贖回狗隻，Dinh指對方「一嚟就話『你咁有錢，四萬蚊咪對你濕濕碎啦』，又話唔畀錢，就會將Coffee畀人。」她拒絕就範報警。
翌日對方再來電催促交贖款，否則「掟Coffee落海」。昨日Dinh再收催交贖款電話，「話再唔畀錢就斬開Coffee一碌碌」。警方昨在天水圍一屋邨拘捕涉案24歲男子及其23歲女友，在單位尋回Coffee。但警方指綁架Coffee的另有其人，被捕男女事後輾轉取得Coffee，並得知狗主網上尋狗於是勒索圖利。
文章
