不含味精防腐劑較傳統貨貴三成天然寵物糧有市有價

《蘋果日報》，2012/4/15

人類追求健康生活，飲食講究天然有機，寵物貓狗主人為讓寶貝食得自然、活得健康，不惜大開慳囊，追求標榜天然、無添加的寵物食糧，此風氣近年成為寵物界潮流。天然糧雖較傳統糧貴約三成，但市場佔有率仍按年上升。

在港售賣寵物糧食不受法例監管，成份及用料均沒標準，乾糧中是否含有害添加劑沒有規管，令一眾寵物主人憂慮。寵物用品店東主黃先生表示，近年顧客對寵物飲食營養需求日增，「客人買糧時會問得好仔細，多咗人問標榜健康嘅天然糧」。

烘焙製作保留營養

專代理寵物糧的利天寵物用品有限公司Louise表示，近年多了寵物轉食天然糧。「動物嘅腸胃比人敏感，好多化學物質人食咗冇事，動物食咗就會過敏或中毒，不少傳統糧有添加劑同味精，唔係咁健康。天然糧總括呢講就係不含化學物質、防腐劑同調味料嘅寵物飼料」。

她補充，部份天然糧用較高級（人類食用級數）及有機食材製成，甚至有品牌以自創烘焙方法製作，保留最多營養，「傳統糧冇咁講究，有啲會用屍體肉或者用剩碎肉等唔新鮮嘅食材製成，質素較差」。

市場佔有率仍上升

價錢方面，以兩公斤乾糧計算，傳統糧售價約100元，天然糧則由130元至200元不等，貴約三至五成，然而天然糧市場佔有率仍按年上升。Louise指，05年只有2％客人選用天然糧，到2011年已激增至20％，預期本年再上升5至10％。「近年好多人養寵物嘅心態有明顯改變，養狗唔係為守門口，而係當屋企人咁照顧。其實一包細裝嘅天然糧大概可食一個月，只係貴幾十蚊，好多寵物主人唔介意畀多少少錢」。

獸醫黎昌生則表示，為寵物選擇糧食時，可選擇有作過詳細醫學研究的大品牌。「醫學上寵物食傳統糧或天然糧其實分別不大，我養嘅狗仔唔係食天然糧，隻隻都好健康長命」。惟他提醒，勿讓寵物有吃零食習慣。「其實想寵物健康，唔需要食太多不同嘅嘢，每日都係同一種乾糧，佢哋一樣食得健康開心」。