《東方日報》，2021/6/26
政府雖曾修訂《保護瀕危動植物物種條例》，以阻遏不法分子以瀕危物種牟利，但近年本港嘅非法野生動植物截獲量未有放緩迹象。議員葛珮帆（EQ）得到政府書面回覆，同意佢提交議員議案修訂《有組織及嚴重罪行條例》，以加強保護瀕危物種，議案將會喺下月7日喺立法會上進行首讀喇。
政府修例阻嚇力不足
話說EQ早前多次指出，《保護瀕危動植物物種條例》未能有效阻止非法活動，相反過去兩年嘅走私緝獲量持續飆升，認為政府修例嘅罰則、賦予調查同執法人員嘅權力，都未足以對犯罪集團構成阻嚇。有見及此，佢提出議員議案建議修訂《有組織及嚴重罪行條例》，將其條文適用於《保護瀕危動植物物種條例》。政府就話EQ嘅議案有助政府打擊有關瀕危物種嘅非法活動。EQ向立法會預告，要求安排條例草案喺下月嘅立法會會議上首讀。雖然議員有心做，但政府上次修訂該條例都係近3年前嘅事喇，係咪應該每年檢討吓，避免非法活動日益猖獗呢？
文章
