珍惜小動物生命姚子羚收養被遺棄唐狗

《頭條日報》，2013/9/13

姚子羚向來愛狗狗，雖然未有正式養過，但一直有留意狗狗消息，四個月前在交友網站，見到朋友貼出一隻小唐狗被鎖在深水埗鐵閘外，情況可憐，即引發她的愛心決定救救小狗狗，但由於她的住所不能養狗兼沒時間照顧，暫時唯有將狗狗「通仔」暫住她媽咪的家，希望早日能為牠搵個好主人。

子羚當日知道消息後，只有三個月大的「通仔」已被送到「愛護動物協會」，但由於協會內的動物正爆發腸炎，於是又將「通仔」送到漁護署。子羚知若沒人領養，「通仔」隨時命仔凍過水，轉折下最終接了「通仔」回家，但牠已患病，「佢當時除咗生蟲搞到係咁肚瀉外，仲有牛蜱熱，醫咗好耐先好。」

子羚花了不少心機才令「通仔」變得現在活潑可愛，坦言捨不得送給別人，但無奈情況不許可，「我當初只係唔想睇見佢被人道毀滅，諗住照顧到佢有新主人為止，照顧得耐咗大家都有感情，但我屋企唔養得狗 ，我又成日開工唔喺屋企，根本無時間陪佢，暫時放咗喺媽咪度，但家姐本身有隻老狗要照顧兼顧唔到，所以好想幫佢搵到主好人家收養，當然最好係我識得，得閒都可以再去探佢嘛！」