接狗吠投訴 譚香文求助漁署被鬧低水平

《東方日報》，2017/7/1

港人對動物權益日趨關注，但點樣處理社區流浪狗問題就顯得有啲衝突。黃大仙區區議員譚香文收到市民投訴晚上遭狗吠聲滋擾後，向漁護署求助，被愛護動物組織喺網上發文狠批「低水平」，導致狗隻被捉。譚事後強調點樣處理流浪狗係漁護署事務，反指應該批評漁護署而唔係批評佢。

質疑扮無知

有愛護動物嘅網上媒體發文，指譚香文早前以收到居民投訴有噪音為由，搵漁護署處理鑽石山星河明居附近嘅流浪狗。文章引述非牟利獸醫服務協會執行主席麥志豪話，「有市民投訴便找漁護署捉狗，是很低水平的區議員」，認為譚應與居民同保護動物團體商討，又話同區有其他區議員都係咁做，質疑譚「扮無知」聲稱漁護署所捉狗隻會獲領養。

譚香文則回應指出，作為一名區議員，將狗吠投訴轉介漁護署係盡責嘅做法，強調佢控制唔到漁護署點樣處理狗隻，又話市民如果對捉狗嘅做法有不滿，應該去批評漁護署而唔係批評佢喎。