海洋公園死撐只為宣揚保育 加場奴役海豚卻見空凳處處

《蘋果日報》，2012/8/14

海洋公園過去十年間，將海洋劇場表演場次增加一倍，涉奴役海豚招致批評。海洋公園主席盛智文昨承認，因應入場人數增加，近期決定增加表演場次，但辯稱加場絕非要增加收入，只為宣揚海洋保育訊息。惟昨日所見，劇場場次由五場增至六場後，反應未算熱烈，半數場次入座率不足五成。關注保育團體批評，要海豚「加班」遷就增加的入場人次是不合理。

盛智文指，進入暑假旺季後入場人數增加，上周日單日入場人次達4.6萬，刷新開園第三高紀錄。他強調，海洋公園開園時已提供海豚表演，近期增加表演場次，只希望向更多人宣揚保育資訊。旺季結束後，劇場表演場次將減少至每日3至5場。

本報記者昨於海洋劇場觀察，11時半及12時半的首兩場表演，入座率只有三成至四成，下午6時半的尾場亦僅得一半，只有中間三場爆滿。加場後，海豚疲態盡現，尤其在尾場表演謝幕時，參與表演的五條海豚中，有三條已無力舉起尾部，做「再見」的動作。

稱表演只是「暢泳」「玩耍」

該園動物及教育總監吳守堅拒絕評論增加表演節數會否增加海豚「工作量」，但「死撐」海豚在野外生活，每日游泳距離超過100公里，形容海豚表演期間只是「暢泳」及「玩耍」，所有表演動作都是海豚自然行為。他指，現時有七條海豚分成兩組表演，每場節目會有二至五條海豚參與，園內規定每條海豚每日最多表演四場，表演時間合共最多一小時，又再次強調海豚可「按意願」參與表演。

該園海洋哺乳類動物館高級館長黃開明補充，海豚拒絕跟從訓練員指示做動作，未必是出現疲態，可能受發情期荷爾蒙變化等因素影響，「海豚眼中人都係玩具，過去有三個同事因為俾海豚欺凌而辭職」。他又指加場後未發現海豚有異常行為，如發現異常情況，會加強照顧並暫停演出。愛護動物協會表示對海洋公園做法感失望，該會近期也收到市民的相關投訴。海豚保育學會主席洪家耀批評，節目內容與保育談不上關係，要海豚遷就入場遊客亦不合理，要求盡快削減表演場次。

蘋民洗版

Xboy Woo
拿（嗱）!海洋公園如果你放晒幾條海豚落海，如果佢唔走，就真係自願喇！

Wing Lai
海豚自願？佢話你聽o架？咁嘅說話都講得出，真係無人性！

Horace Leung
勁呀，盛智文連海豚音都識埋呀！

Camel On Stage
海豚點止可自由參與表演呀！直頭可以自己寫劇本，度埋對白做劇添（o忝）……

Juan Ho
海豚唔識講人話。海洋公園，唔該唔好強姦豚意!

Erica Wong
唔止呢件海豚事件，唔知大家有冇去過冰極天地同水族館，場內已經講明唔好用閃光燈同拍打玻璃和保持安靜，但啲入場人士，大人就開閃光燈拍野（嘢），小朋友就狂拍打玻璃同尖叫！咁樣真係會嚇親D動物。仲有，睇白狐狸個館真係好細，睇住兩隻狐狸朋友，真係好慘，好想佢可以返回大自然。

Brian Poon
盛智文，你準備會今晚開始係老蘭扮海豚跳，每日五場，每場半個鐘未呀? Are you ready？ 等係（你）知道咩叫做辛苦。

節錄自蘋果日報facebook留言