麥志豪借廣告經驗保護動物

《星島日報》，2014/1/27

　　順天邨小貓「Miu Miu」、斷腳流浪貓「麗麗」，每宗懷疑虐待動物案件，都不乏「十八區動物保護專員」召集人麥志豪（Mark，小圖）的身影。月初「吹雞」圍警察總部，又不時以動物傷勢相片博取眼球，常被指借動物「做騷」和搞個人主義，但原來這一切都是Mark運用其廣告界經驗，轉戰動物保護的策略。 　　

　　公屋出身，曾拜黃霑門下，做過電影編劇，後來轉到廣告圈，年僅二十六歲就擔任創作總監的麥志豪，訪問時首先向記者上市場學第一課，「做廣告，一定要了解個市場，個市場需要啲咩，如果個市場係唔需要，你就要諗辦法 Create the needs（製造需求）。」

　　Mark直言現時市場根本無對動物權益的需要，「個市場睇唔到需要，仲喺度以為我地活喺個和諧嘅社會」，所以第一步要由感性開始，進行軟性銷售「賣感性、賣激情」，「所以你地唔好怪我，喺我專頁或者公開場合，一定有好多殘忍嘅相」，藉此吸引公眾眼球，不禁忌地揭露虐待動物就在我們身邊，然後第二步才能建立理論，改變社會氣氛。 　　

　　「我唔做騷鬼有人睇咩」，Mark解釋「做騷」和個人主義是搞社會運動的必需品，「唔通你連我個樣係咩都唔知，吹雞你會嚟咩？」因工作關係，Mark與倪震成為摯友，各自事業有成後，倪震移居加拿大，而Mark則捨棄其高薪厚職到澳洲修讀運動科學，全職打網球，與倪震各自「想做啲野」而回流香港。

　　回港後，Mark曾與周慧敏提起成立動物公立醫院，衝擊私營獸醫市場和制度，結果在○六年獲周慧敏開「Back for Love」復出演唱會全力資助，連車馬費都未有扣除就全數捐出，成立全港首間非牟利獸醫診所，讓公眾有更多選擇。 　　

　　○六年創立非牟利獸醫診所的一刻，Mark已考慮到日後動物保護的部署，「行出嚟爭取政策，坦白講，係市場上面冇Power係做唔到」，而醫療服務正是他的平台去累積號召力，足以日後去發動動保運動。 　　自小與動物結緣，小學二年級的Mark初嘗養寵物，一隻從街市買回來待宰的雞，養在家中日久生情，直至終老，最後埋葬在牛頭角公園。 　　

　　Mark坦言，自己雖對動物有特別感情，但自己十年前仍是一個會食魚翅、穿羽絨的人，不會在生活的細節上特別留意，直至現在，自己不是外界想像般的「貓癡」「狗癡」，他只希望更多人醒覺，守護動物權益，讓人與動物和平共處。