同居賤男要分手 唔供樓唔養狗 女生求網友救寵物

《新報》，2012/5/22

一名女大學生錯識賤男，當同居數載男友移情別戀，他留下一個無力供款單位，以及一貓兩倉鼠兩老虎狗寵物，她面臨被收樓無家可歸之餘，亦無能力照顧兩隻老虎狗，惟有在網上討論區求人領養。網民反應熱烈，有網友更發起捐錢「買糧救狗」。

署名「紅茶淡定」的24歲女大學生，3年前與年長兩歲的男友相戀，他更付首期買入一個小單位築愛巢，男友聲稱鍾愛寵物，先後買了一貓兩倉鼠及兩老虎狗回家。女友即使反對，但男友堅稱會為寵物負責，最終她成為寵物照顧者。

人與寵物無家可歸

好景不常，早前男友移情別戀，留下一個無力供款的單位及5隻寵物，之後不知所蹤，女大學生情緒大受影響致病，既無法繼續在課餘當兼職，賺取生活費，亦無財力照顧寵物的起居飲食，當銀行一旦收樓，人與寵物俱會無家可歸。

女大學生遂在討論區留言，單是狗糧每包便要560元，連同貓糧及倉鼠的費用，對待業的她是沉重負擔，加上要應付最後一個學期的學業，實在無法兼顧，希望網民領養兩老虎狗。她說：「佢哋又蠢又大隻，優點係忠心，知道我呢排傷心都靜靜陪我，可惜我已無能力再去比一個好嘅家佢哋。」

「紅茶淡定」形容3歲大的法國老虎狗，性格蠱惑好動「出咗去就扮唔識人」，而2歲大的英國老虎狗性格蠢，但聽話。

雖然有網民認為她在「曲線」賣狗，但她重申不收分文免費領養，更多網民願意伸出援手。但最發人深省的是「冰王子」的留言：「你無咗男友，關啲狗仔咩事，明白你要讀書返工好辛苦，負擔好重，但決定帶佢哋返屋企個刻，應該陪伴佢哋下半世。你都識講佢哋好忠心，依家竟然係為咗男友、為咗自己嘅生活放棄佢哋，咁同始亂終棄無分別。如果伯母生完你後，因為老竇走咗佬，伯母將你交去孤兒院，你會有咩感受！」

劏房生活難容貓狗

「紅茶淡定」則表示，日後會在劏房生活，連同一貓兩倉鼠兩老虎狗無地方瞓：「我唔係遺棄佢哋，因為我都明白畀人遺棄嘅感受，只係希望佢哋有好嘅將來，起碼有人比多啲時間佢哋。」