爭取空間狗狗拍拖更上街

《蘋果日報》，2012/7/2

人類上街不滿梁振英，連狗也遊行，噚日就有遊行人士帶埋心肝寶貝嘅狗仔遊行。梁先生同埋女朋友噚日帶埋兩隻5歲、6歲嘅史納莎遊行。為咗應付呢段由銅鑼灣走到金鐘嘅民主路，所以一定要帶定多啲水和食物。

梁先生話，除咗人權之外，寵物嘅權益都相當重要。例如香港只有幾個寵物公園，早前紅磡隧道附近嘅放狗好地方都冇埋，令狗狗們好失望；而香港好多公家地方都拒絕狗隻入內，所以兩隻愛犬都要一齊上街，爭取更多空間。