動物權益鬥士

《蘋果日報》，2015/7/26

住在跑馬地唐樓的鍾晚霞（Helena），家有7貓4狗，白灰3腳貓Chop chop行得最慢，卻最惡死，「可能佢遇事時太細，得嗰3個月，根本唔識有陰影」。摟着小貓咪的Helena一面柔情。Chop chop與小花，是患難姐妹花，兩隻尋常街貓，2005年不幸遇上轟動一時的連環貓殺手，四肢活生生被扭斷，奄奄一息倒卧無人後巷，幸運被發現拾回一命。轉眼間，兩生花已10歲，遇上好心主人收養，悲慘命運從此改寫。

「嗰時Chop chop傷得最重，包到好似木乃伊，完全行唔到，每次大小便都一身都係，又唔可以沖涼，好災難。嗰時除咗佢哋兩隻，其實仲有另一隻小貓，可惜救唔番，全部都係3、4個月大」。街貓街狗受虐時有所聞，但隨着互聯網普及，血腥圖片在網絡迅速傳播，加上遇害街貓數目眾多，引起公眾譁然。「手法好殘忍，仲要唔只旺角區，其他區陸續出現，好似挑釁咁，好得人驚。」做即時傳譯的愛貓人Helena回憶說。

當年，愛協就史無前例懸紅一萬緝兇，愛護動物人士又首度發起反虐畜大遊行，5,000人響應參加。由於群情洶湧，港府罕有迅速回應，還破天荒建議修訂《防止殘酷對待動物條例》，加重虐畜的罰款至最高10萬及監禁12個月，又在大遊行前火速高調扣查一名19歲的涉案疑犯。不過，Helena苦笑謂，凡此種種，只是傳媒及公眾關注下的「美好一瞬」，殺貓兇手仍然逍遙法外。

「個疑犯過咗咁多年仍只係疑犯，根本從未落案起訴。只係一般人未必會深究，覺得拉到人喎，究竟有冇足夠證據落charge？主流傳媒冇再跟進報道，啲人又如常生活，好似從未發生過一樣」。就如她養的第一隻大唐狗Twinkle，也是非法劏狗場救回的劫後餘生，「類似嘅悲劇其實不斷發生，刑罰加到幾重都好，如果唔執法，一樣冇用」。

不過，對比起10年前，香港人對動物權益的確重視了，多了義工願意加入保護動物行列；早前一名的士司機因為鐵鏈鎖貓頸判囚兩個月，她嫌刑罰太輕，但覺得總算是好的開始，「呢度隻隻貓狗都有個故事，好多義工都好似我咁，衰心軟結果越養越多，其實5貓2狗已經係我極限」。Helena自言「做得幾多得幾多」，只希望警方加強執法，虐待動物的悲劇不再發生。