「佢哋係惡，但唔搞我，我都唔會搞佢哋，佢哋只係喺山上面，我哋住山下，大家河水不犯井水，亦無諗過離開沙螺洞。」
大埔沙螺洞發現豹貓BB蹤影，雖然牠最後失救猝死，卻掀起全城「豹貓熱」。救貓的士多東主張偉國，頓時成為大紅人，但出名背後卻是是非纏身，有人質疑他照顧不善，累死豹貓BB。不過他自問事件中已經盡力而為，問心無愧，對外界批評一於少理，繼續本着愛心、善心，照顧沙螺洞村內約十隻流浪犬，還有守護他最愛的沙螺洞家園。
驅車走入大埔，經過一條毫不起眼的沙螺洞路，穿越廢鐵場、樹林，走過峭壁，就會發現一條小村莊，古舊磚屋便入眼簾，這裏就是大埔沙螺洞村。以前，沙螺洞村住有二千名村民，但現時大部分已搬到市區，只有他－沙螺洞村民權益會會長張偉國，繼續留守。
張偉國是沙螺洞村原居民，居村逾五十年，在村內經營士多，成為行山及郊遊人士的「補給站」。早年他曾搬出市區，但心繫沙螺洞，決心要留守保衛這個他最愛的家園。他不出名，但一隻豹貓BB令他成為全城紅人，備受追訪：「嗰朝去攞車，發現草叢有嘢郁，原來係初生豹貓。」
出於愛心，他把豹貓執回家，放在盒內救治，經悉心照顧後，牠回復一點精靈氣息：「豹貓BB本身好弱，食唔到嘢，我用手指滴啲水畀佢飲，抖一陣佢仲識開眼，爬幾步，隻豹貓真係好得意。」
豹貓BB死得不明不白，有市民怪責是張偉國拾豹貓後照顧不善，餵牠食飯、又讓村民圍着喪玩，對此張要為自己及村民抱不平，「執到已經第一時間報警，畀水佢飲，無好似傳聞咁畀人影相。」他直言將豹貓送到警察手上時，仍抱有生存希望，可惜最後猝死，他大感可惜。
猛獸為鄰未驚過
居於沙螺洞村逾五十年，張偉國曾多次與兇猛野獸擦身而過，亦屢次與牠們搏鬥：「喺沙螺洞，豹貓、野豬、黃猄、毒蛇好常見，有次揸車見到隻好大豹貓，開車頭燈嚇佢都唔走，仲想抓我，要響按佢先走。有次見過一隻差唔多十八公斤重嘅豹貓跟住我架車返屋企，好彩我有好多狗，佢先唔敢入嚟，爬咗上爛屋頂，我用電筒照，見到佢兩眼發光。」
雖然與兇猛野獸為鄰，但他從未想過傷害牠們，只要牠們不來騷擾，亦不會主動攻擊：「佢哋係惡，但唔搞我，我都唔會搞佢哋，佢哋只係喺山上面，我哋住山下，大家河水不犯井水，亦無諗過離開沙螺洞。」
現時這位善心老人，與太太及約十隻由行山人士收養的流浪狗為伴，在沙螺洞村內務農為生，自給自足。雖然流浪狗不是由他收養，但他亦樂於照顧：「我好錫啲狗仔，佢哋好乖，好聽我話。」生於沙螺洞，張偉國決心留守沙螺洞：「呢度真係好舒服，空氣又好，係人間仙境。」早年他曾搬出市區居住，但始終要搬回來，與摯愛的流浪狗仔一同生活。
另稿:
| ||||||
張偉國畢生守護沙螺洞，而這位守護者也有一班「守護神」保護着他，「守護神」就是一群約十隻的流浪狗。這班狗仔全部是行山人士餵養，他只是給牠們「一個家」，讓牠們「有瓦遮頭」，不過相處漸久，張與狗仔們建立一個不能劃破的關係。 「佢哋好忠心，只係聽我哋一家人話，有時仲識幫我搵客，好多入嚟食豆腐花嘅客人都話，係啲狗仔帶我哋嚟。」在張偉國眼中，這群狗仔雖不是他飼養，但他視之為重要的家庭成員，訪問中雙眼未離開過狗仔們，見牠們靠近時也會摸摸牠們的頭。 除了是忠心的僕人外，張偉國指狗仔是他的「守護神」，「呢度荒山野嶺好多野獸，班狗仔警覺性好高，見有任何動靜就有即時反應，有次隻野豬攻擊我，佢哋見到就擒住隻野豬，另一隻就咬頭，咬死野豬救番我。」 | ||||||
文章
