后海灣水鳥八年減逾一半

《蘋果日報》，2016/2/21

香港觀鳥會發表年度觀鳥概況，指上年新發現12種野生雀鳥，但后海灣水鳥總數卻由2008年高峯期9萬多隻，下跌至2016年錄得4.3萬多隻，數量大減逾一半。香港觀鳥會研究經理余日東推斷，水鳥數量或受鄰近地區環境改變而下降。

林超英：香港唔夠食

據觀鳥會今年1月份的后海灣水鳥紀錄，水鳥數量由2008年高峯期的9萬多隻，下降至2016年的43,425隻。余日東表示，暫時未有研究可歸納水鳥減少的原因，但推斷與鄰近地區生態改變有關，「香港嘅雀鳥主要係遷徙鳥，所以就算香港做咗好多嘢，其他地區唔做嘢，其實都會影響到我哋。」

余又表示，香港的保育工作其實已做得不錯，但水鳥數目仍下跌，相信在鄰近地區如中國的情況就更加嚴峻，並推論中國人偷獵、食野味、破壞沿海城市生態，除影響內地雀鳥數目，亦影響來港水鳥數量。

香港觀鳥會榮譽會長林超英指，2008年的雀鳥高峯期只因「綠洲效應」，「本港雀鳥數量突然升高，反映附近有原本適合雀鳥棲身嘅地方被破壞，雀仔先會去第二度，其實唔多值得高興。」林指中國以至東南亞一帶的沿海灘塗地已陸續消失，發展為大城市，「當年啲雀避嚟香港，但香港大概只可承載4至5萬隻，咁最後唔夠食，啲雀一係就飛去第二度搵食，一係咪死。」

香港觀鳥會上年亦新發現包括家麻雀、飯島柳鶯、白尾藍地鴝等12種野生雀鳥，其中四分之一發現於蒲台島，四分之一發現於米埔自然保護區，令香港發現的野生雀鳥種類由526種增至538種。