February 14, 2021
原文連結在此 : https://www.facebook.com/streetcatfoto/photos/a.195929843810272/3557425280994028
呢啲公民力量有無用? 無錯，政府係踢幾腳都唔知行唔行一步，但遲行好過唔行，一直踢，都總有機會見到佢行半步嘅。
傘後，香港人又一次尋找自己身份，好唔容易係沉澱同各種嘗試後，叫做搵到少少新方向。講返動保，睇返編年史，會見到2019年有多個民間行動，但同以往好唔一樣，呢啲行動多數都唔係由單一事件引發，而係睇得更闊，嘗試係新嘅切入點著手。呢啲就係推動社會向前嘅動力，係愛惜自己地方嘅表現，十分十十分分珍貴。
可惜，當個勢起緊時，反送中就殺埋嚟，一下子打破晒官民僅有o既互信。轟動一時嘅青龍頭豪景花園30動物墜樓案，案件本身固然係非常嚴重，迴響之大同時亦反映大眾對政府失去信心。及後加上武肺，所有公民行動空間已幾乎蕩然無存。再講重建信任，我自己都覺得係太天真太傻，真係搵唔到少少基礎去談信任，談合作。
但當自己都懷疑自己，自己都問自己係唔係可以放棄時，個世界會踢返自己一腳。唯有咁同自己講，見步行步，keep 住個動力等待見到曙光嘅一日。
就如道路交通條例修訂，竟然無啦啦提返上嚟，諮詢中唔少回應提到唔只要將貓同狗納入保障範圍，仲要保護埋野豬猴子等等，政府仲話因為意見分歧要放埋一邊先。但幾日前政府放出嚟嘅風只提到貓同狗喎! 喂，即係點先? 假諮詢? 想走數?
下一波會先集中係道路交通條例修訂，有話係十九號，又有話係二十九號上憲報。點都好，好快就知龍與鳳。政府真係想咋唔知嘅話，你會唔會同我一齊大聲提提佢呢?
編年史大圖 --> https://drive.google.com/.../1vPW_xa-bqjLh_FHwt.../view...
捕貓捉影 MeWe
https://mewe.com/i/streetcatfoto
文章
