600熱心網友助尋回獵狐爹利

《蘋果日報》，2012/9/2

一歲大的獵狐爹利Happy走失，食環署通知狗主曾發現疑似狗屍，卻沒認屍程序便直送堆填區。狗主不忿愛犬胡亂「被判死刑」，最後靠600多名熱心網友廣傳訊息，愛犬終重回她懷抱，卻離奇地被人擅自帶往絕育。

食環署曾稱找到狗屍

與愛犬經歷兩星期生離死別的狗主陳小姐慨嘆：「政府唔重視狗隻生命，亦都唔理狗主感受。」植有晶片的Happy於8月14日意外走失，「當時用盡方法搵佢，每日都打去食環署問吓會唔會執到佢條屍」。過去兩星期，陳小姐在多個網站及facebook發起尋狗群組，有600多名熱心網友關注，有人駕車陪她尋狗。至8月25日，食環署突聯絡陳小姐，指四日前在大坑東足球場發現狗屍，惟屍體已交外判清潔公司處理，沒有狗隻任何記錄。「原來佢只係循例報告四日前嘅資訊，根本幫唔到我」。她即致電外判清潔公司，竟獲覆從沒揭開覆蓋屍體的膠袋查看，已直接送堆填區。

沒證據顯示Happy已死，陳小姐繼續在網上發訊息尋狗，至8月28日，一名男士來電，「唔知佢係咪睇到有網民話要搵報館幫手先聯絡我，其實佢8月16日已經拾到Happy，話佢成日搞屋企隻狗女，已經幫佢絕育，佢冇要求酬勞，但要我畀番3,000蚊絕育、冲凉同剪毛錢先畀返我」。陳小姐懷疑有獸醫沒遵守獸醫管理局指引，得狗主同意才做絕育手術，惟該男子拒絕提供獸醫資料，更自稱警員，為免節外生枝，最終放棄追究，繳款取回愛犬。

食環署表示，收到動物屍體後，會即時灑上漂白粉及放入膠袋密封，再運往堆填區處置，不會作其他記錄。