衰人領養 狂虐小狗 平姐信錯街坊 心痛自責

《蘋果日報》，2012/9/20

早前《蘋果》報道，被騙傾家蕩產照顧60多隻被遺棄貓狗的「平姐」孔雲平，日前發現她給人領養的一頭小狗，竟遭人扑爆頭棄於粉嶺軍地山頭。平姐眼淚直流指小狗叫BB，額頭穿了一個洞，傷口發炎流膿，身體非常虛弱，「佢三個幾月時俾人領養，家一歲，但體形同當時冇大分別，可以想像嗰個人點虐待佢」。

骨瘦嶙峋的BB，不但頭破血流和患上皮膚病，更染上牛蜱熱而嚴重貧血，「醫生話希望兩個星期後仲見到佢」。

義工祝BB康復

平姐不斷自責當天將BB送給街坊黃先生，「佢講到自己好愛狗，我見街坊街里，就畀佢領養，點知搞成咁！」平姐之後跑到領養人黃先生的家對質，但他不在，「我想報警，但唔夠證據，又怕佢報復燒咗狗場」。

《蘋果》八月初報道，平姐因照顧貓狗傾盡200萬元退休金，事後還因不慎墮坑而差點爆肝，出院後身體虛弱，幸得一班青年義工出錢出力幫她。這天三名義工幫平姐帶BB看獸醫後，買了些豬潤給BB補血。做化妝的阿U一邊替BB清洗傷口，一邊氣憤地罵︰「點解啲人咁冇人性！唔養都唔使虐待佢……」她沉默了片刻，像禱告般說︰「我生日願望係希望佢好番。」原來當天正是她24歲生日。

另一名讀浸會大學的義工阿怡，更是走堂來照顧BB，她伸伸脷說︰「我問准阿媽，阿U一個人唔夠力搬BB去診所。」19歲讀城市大學的阿Yup，更是這班義工的召集人，「我睇到你哋篇報道後，喺facebook開咗個『仗義幫助善心平姐』嘅群組，有500幾人like」。當中更有30多名青年人輪流到狗場做義工。

醫藥費逾萬元

昨天，BB情況危殆，平姐和義工們即時帶牠到元朗一間獸醫診所。平姐擔憂說︰「睇一次醫生最平千幾蚊，今次我諗要留醫，可能要萬幾蚊醫藥費，BB貧血要輸血，一包血要3,000幾蚊……」醫生其後轉介BB往旺角另一診所留醫。

平姐說義工們都是學生，難以長期支付醫療費，希望有心人可以幫幫BB，助她度過難關。