「咁多人支持你，BB一定要支持住！」《蘋果》日前報道被領養後遭虐打爆頭的小狗BB，現仍留醫，傷口加上牛蜱熱嚴重，需昂貴藥物治療，費用每天逾千元。傾家蕩產照顧遺棄貓狗的「平姐」孔雲平，幸獲熱心人捐錢捐糧，「我唔知點多謝！」
目前仍在旺角一間診所急救的BB，首三天診金便要5,680元，獸醫估計BB最少留醫一個月。戶口僅剩3,000多元的平姐，心裏無比焦急。事件經《蘋果》報道後，熱心人何先生到診所簽卡找數。平姐稱：「佢連電話都冇留低，我真係好感謝！」
當晚回到狗場，再有熱心人劉先生，漏夜送上狗糧和5,000多元，平姐稱：「嗰刻我真係感動到喊！」擔心BB而整夜難眠的她，早上6時又開始照顧貓狗，之後趕往旺角探BB。筋疲力盡的她幸獲接連不斷的來電，送上慰問和實質支援。原來不少看過報道的讀者，想直接將捐款存入她戶口，「o依家戶口有七萬幾蚊，個心定晒，一定醫好BB」。其後鄧女士又送上狗罐頭和月餅外，還將信封塞給平姐，並說︰「呢度有兩萬元，希望救得番佢，剩返慢慢用。」說罷隨即離開。
BB牛蜱熱嚴重須留院
人間送暖，一包包熱心人捐贈的狗糧和貓糧陸續送到堆滿大門口。市民袁小姐親自租車，將剛去世愛貓遺下的糧食轉送平姐，「睇完報道就好想出分力」。另一義工生力軍阿Cat，也是看畢報道後到狗場幫手，「佢一個人做唔嚟，要好多人支援」。
平姐向這些熱心人一一鞠躬道謝，「冇咗你哋，我真係撐唔住」。日前平姐到診所再探BB，獸醫送上喜訊：「佢情況樂觀，傷口復原得幾好，胃口好好。」但獸醫亦稱，BB牛蜱熱嚴重，要繼續購置藥物才能控制病情，而且最樂觀也要幾個星期後才能出院。讀者如欲支持平姐，可透過蘋果日報慈善基金捐款。
「平姐」捐款編號：C3292
網上捐款：http://charity.appledaily.com.hk/donate
另稿:
| ||||||
平姐位於粉嶺軍地的狗場，近日不斷有善心人前來領養貓狗，數目由高峯期60多隻減至現時30多隻。不過亦有人利用平姐善心，將有殘缺或患重病的貓狗，遺棄在狗場外。 病貓跛狗棄門外 「呢隻貓仔得三個月大，俾人掟落坑渠搞到濕晒，有人凌晨拍門叫我收養。」她抱起小貓，發現牠得了貓瘟兼飢寒交迫，於是整夜照顧牠直至天亮。除此之外，還有因舔腐蝕性液體而令嘴部嚴重灼傷的狗、單眼貓、斷腳和斷耳的狗，將各種奇難雜症，統統丟在她的門外。 平姐對此既心痛又苦惱，「我都67歲，o依家身體差咗好多，我怕有一日自己冧低咗，佢哋就真係凄涼」。平姐說以往不懂向外求助，自己咬着牙關獨力「湊仔女」，直至用盡積蓄，「試過去士多賒糧，個阿婆不斷追我收錢，我又俾唔到錢，真係好難受」。 她說暫時不用憂柴憂米，但在金錢以外，她亦希望有心人能為寵物出力，「如果得閒希望多啲人可以嚟狗場做義工，始終學生要返學，我唔想佢哋為咗幫我，荒廢學業」。 | ||||||
文章
