2013年12月9日星期一

獨居長者領養棄貓  創雙贏新生活

《蘋果日報》,2013/12/5

獨居或孤苦無依的老友記生活苦悶,平日獨留家中倍感寂寞,容易「鬱到病」!香港動物治療基金會舉辦「長者貓計劃」,獨居的長者可領養被遺棄的貓隻,改善生活質素,亦給無家小貓一個容身之所,助人助貓,建立人貓共融的大愛社會!

分別六歲及五歲的畢畢及斑斑,甫見陌生人便躲於房間層架的高處角落,瘦削的身形我見猶憐,「佢哋係好怕『生』㗎,但平日就好黐我。」60歲的Elaine笑呵呵地說。她與畢畢及斑斑於三個月前成為「同居密友」,談起可愛的貓兒即滔滔不絕道:「以前嗰隻養咗九年,年幾前過咗身,覺得屋企好冷清,我阿哥知我悶,就幫我安排申請領養。有咗感情之後,o依家出耐咗街都會掛住佢哋(畢畢及斑斑),夜晚仲會同我一齊瞓。」

在社福機構擔任活動助理的William(22歲)自豪地表示,已走訪多戶家庭並為準領養人士的住所安裝窗網,以及購買貓砂和貓糧等,為貓咪的新家做好準備。

宣揚反動物買賣訊息

他又指平日工作上及空餘時任義工亦有機會接觸老友記,覺得活動可令長者生活更充實,「好多退休人士生活好似好空閒,有時會百無聊賴,養寵物會令佢哋生活有寄託。」

退休小學老師胡小姐(59歲)做了多年義工,自詡與老友記「啱嘴形」,「相比起年輕人,我哋同長者有更加多有互動嘅話題,建立咗朋友嘅關係,講嘅嘢會更有說服力」。她又認為養貓人士其實對貓有好多誤解,「好多人都鍾意養年紀較小嘅貓,但其實大啲嘅貓會定咗性,亦會容易啲相處,平時自己喺屋企都會乖啲」。

該會會長范德穎表示,現時獨居長者患有抑鬱症或腦退化症情況普遍,長者貓計劃有義工及精神科醫生作長期跟進,為老友記增添「伴侶貓」,為他們身心帶來正面影響,亦給無家可歸的貓咪一個去處,藉此宣揚反對動物買賣。
機構網頁:http://animaltherapyhk.org