三人巡邏組 守護流浪貓

《東方日報》，2016/10/30

在電影中，不乏超級英雄日間隱藏身份，入夜後維護正義的傳奇。原來只要坐言起行，無論你我均有能力拯救生命。在土瓜灣土生土長的白詠恩（小白）、侯俊邦（Ivan）及姚家麟 （阿麟），日間各有正職，晚上化身成流浪動物社區巡邏組，四出穿梭大街小巷守護流浪貓，希望連結社區內的愛貓同道，遏止近日發生的連環殺貓兇案。

「呢區有好多愛貓嘅人都上咗年紀，唔識用社交平台，但佢哋係最熟悉情況嘅人。所以（我哋）決定親身走出去，咁大家就可以交換資訊。」Ivan指，他與小白及阿麟均在土瓜灣長大，早在中學時代已經相識，是無所不談的好友，三人同是「愛心爆棚」一族，均有收養無家可歸的流浪動物，「我哋都覺得，買賣動物其實唔好，因為有機會助長無牌繁殖場，令小生命受害。」

夜間巡邏 阻嚇虐貓狂徒

小白憶述，年初成立巡邏組是因為大埔一宗殺貓案，令他們深感「毛孩」的生命受威脅，「所以嗰時就開始諗，點先可以為自己社區嘅流浪動物做啲嘢？」惟虐貓狂徒的魔掌已悄悄入侵他們的社區，月前有多隻貓被發現腸穿肚爛死，令街坊擔心兩年前一夜十三隻貓慘遭毒手的事件再次重現。

為守護「毛孩」，三人不顧日間工作的勞頓，夜間配備單車與手電筒，四出搜尋流浪貓，希望即使未能緝兇，至少亦能造成阻嚇。Ivan笑指，過往亦不時被「好人當賊辦」，「夜麻麻拎住個電筒四圍照，初時好多街坊都會打量我哋，可能以為我哋想爆格。」

三人不時探望，令人貓之間漸漸產生情誼。阿麟指，其實流浪貓各有名字及個性，熟落後恍如結交了不少朋友，「唔同地盤嘅貓，可能差一條街，對人嘅反應已經好唔同。我哋會記低地點同貓仔數量，同佢哋絕咗育未。以免太多貓，會影響街坊嘅觀感。」

「我哋唔係付出嘅一方，喺行動中都有唔少收穫！」巡邏時走訪區內每一條橫街窄巷，小白感到與這「生於斯、長於斯」的社區聯繫加深。她笑說，過程中結交了不少街坊，亦令她成為「地膽」，「依家對呢區可以話係瞭如指掌，一講街名，就會知道喺邊，覺得同土瓜灣嘅感情愈嚟愈深！」


另稿:
街坊支持 重建社區情誼

近期在土瓜灣一帶屢屢有流浪貓疑被虐殺，令人不禁懷疑是否有「連環貓殺手」潛伏社區。當小白、Ivan及阿麟三人成立巡邏隊，即得到了一眾街坊「集氣」支持，最近更有人主動借出單車，又有人免費提供維修，令這因港鐵通車而變天在即的舊社區，再次凝聚鄰里情誼。

盼漣漪般推及其他地區

「依家都有十個街坊加入，會大家一齊出去巡。」Ivan指，希望每夜均有人出去巡邏，惟現時行動仍處於摸索階段，加上具一定危險性，每次均會全體出動，故不可單獨或減少小組人數出動，「所以都想多啲街坊加入，日後大家熟悉咗點做，就可以巡密啲。」

阿麟則指，期待行動可以喚起港人對流浪動物權益的關注，日後像漣漪般推廣至其他社區，「希望呢區只係一個起點，呢種以社區網絡為本嘅組織，之後會喺其他地方，由嗰度居民推動。」