前特首梁振英至今未就律政司唔告佢件事出嚟「耀武揚威」，相信傷透唔少梁粉心，但唔使驚，狼英已經藉野豬問題回魂！暗啞底支持恢復獵殺野豬嘅狼英連日被轟，漁護署話人道毀滅冇用，反而會研究防範野豬推跌或揭開垃圾桶覓食，狼英似乎心有不甘，噚日喺社交網站貓哭老鼠話「平白餓死野豬，人道嗎？」下一句先係重點：「肚餓的野豬，攻擊人的可能性更大。」
漁護署K.O.︰識游返市區！
漁護署K.O.︰識游返市區！
查實王國興噚日喺東區區議會曾建議將啲野豬送晒去無人島，減少影響市民，漁護署官員反駁指野豬游水好叻，若島上冇嘢食啲豬就會游水返市區搵食，換言之條橋完全唔掂。跟住狼英就喺社交網站對漁護署嘅講法表示同意，話野豬問題核心係「食」，指野豬食量大，郊野公園唔夠食，就食垃圾入面嘅廚餘，但一旦管理好啲垃圾桶、垃圾站，野豬冇廚餘食，野豬一家食乜好？仲提問：「餓死野豬，人道嗎？」，好似好有同情心咁，但繼而話餓咗嘅野豬「攻擊人的可能性更大」，講到底都係撐佢嘅人道毀滅論啫！
八方問過獸醫，指野豬唔係狩獵性動物，佢哋肚餓時第一件事係搵食而唔係攻擊人，加上野豬戒心重，就算好餓，除非有人刻意滋擾，否則唔會主動攻擊人。
八方問過獸醫，指野豬唔係狩獵性動物，佢哋肚餓時第一件事係搵食而唔係攻擊人，加上野豬戒心重，就算好餓，除非有人刻意滋擾，否則唔會主動攻擊人。
文章
