鄭俊弘現身否認有虐狗：我有責任令佢開心同健康

2017-12-21 19:25
原文連結在此: https://www.hk01.com/%E5%A8%9B%E6%A8%82/143284/%E9%84%AD%E4%BF%8A%E5%BC%98%E7%8F%BE%E8%BA%AB%E5%90%A6%E8%AA%8D%E6%9C%89%E8%99%90%E7%8B%97-%E6%88%91%E6%9C%89%E8%B2%AC%E4%BB%BB%E4%BB%A4%E4%BD%A2%E9%96%8B%E5%BF%83%E5%90%8C%E5%81%A5%E5%BA%B7

早前鄭俊弘(Fred)虐狗一事可謂全城鬧爆，個個都話佢用釘帶同電擊帶去虐待自己隻狗，不過今日佢就出來澄清事件，在接受《香港01》訪問時，他說：「必須要澄清，我無虐狗，呢啲真係好大件事。因為我係領養佢返嚟，我有責任令佢開心同健康，始終佢流浪返嚟，情緒一定會有唔穩定，而且好怕事，又會惡其他狗。有幾次佢真係自己衝出馬路，爭啲俾車撞，我就覺得咁樣唔得，一定要帶佢去專業人士度訓練，起碼我一叫佢佢都識返嚟。當時個教練就建議用嗰啲去訓練，但今次我真係收到好多唔同意見，我都會接受唔同嘅建議，亦都去搵緊最好嘅方法同我嘅狗仔一齊成長，希望俾到個快樂生活佢。」

原來佢係無辜。（陳順禎攝）

那麼為什麼他要帶狗仔去訓練呢？阿Fred就說：「我接佢返嚟時佢成面都係傷痕，屎都有血，喺屋企休養幾個月之後原來佢都好精力，我又第一次養狗，我無咁嘅智識同能力去同佢溝通，所以先搵教練教佢。而家無跟教練㗎喇，亦都無用嗰啲釘帶同電擊帶，因為佢而家已經好乖，啲帶已經係年半前左右用。我初初睇返報道都有啲唔開心，但諗深一層，佢哋都係為我嘅狗仔緊張，我都好感激佢哋咁關心我嘅狗仔，同埋可以將領養呢個精神傳開去，大家可以去領養、捐錢或者做義工。」其實訓練狗隻好多方法，希望阿Fred今次真係會吸收教訓，下次唔好喇！

呢隻就係阿Fred嘅狗仔－Riley。（網上圖片）