續牌指引亂 折騰85歲狗主

《東方日報》，2015/6/29

續牌指引不清，漁護署累年老狗主飽受折騰！有年邁狗主早前接獲漁護署狗隻續牌通知，但因行動不便未能親赴位置偏遠的動物管理中心辦理手續，向職員了解後委託親人代領狗隻前往，未料受託人抵達後卻被指「無交齊文件」遭拒絕續牌。立法會議員直斥漁護署「離譜」，要求訂定清晰指引並向公眾宣傳，勿令市民無所適從。

現年八十五歲的馮伯早前接獲漁護署來信，被要求為其飼養的唐狗「豬豬」打針續牌。行動不便的馮伯遂委託孫兒帶同「豬豬」到沙田多石徑動物管理中心辦理手續。由於信件並未有說明續牌程序，馮事前已特地致電職員了解，「佢寄嚟封信乜都冇寫，淨係畀咗啲中心地址我，我打過電話去問，『我八十幾歲帶唔到隻狗去咁點呀？』個職員當時淨係叫我搵啲後生幫手帶去，咁我咪照做，點知就出事！」

馮伯指事發當日將「豬豬」交予孫兒後便到旺角覆診，期間接獲孫兒來電，指職員拒絕為狗隻續牌，「個孫打嚟話『阿爺，個職員要你個身份證或者影印本喎！』嗰時我喺旺角睇緊醫生，點拎到畀佢呀？佢哋又講明要，自己個孫都帶晒狗牌同以前打針紀錄去啦，車到去佢哋中心門口都續唔到牌，有冇搞錯！」馮伯不滿漁護署指示不清，令「豬豬」未能如期續牌，要求當局交代。