船葉割傷 險斷尾白海豚變景點

《 蘋果日報》，2015/1/18

二○一五年一月再傳白海豚惡耗。繼元旦日有年幼雌性中華白海豚被船隻撞死，昨日再有年幼白海豚被船葉割傷，尾巴幾乎脫落，只能在大澳對開海面掙扎游弋。香港海豚保育學會會長洪家耀直言：「未見過傷勢咁重！」他接報後乘船趕到現場視察，大批觀光船聞風而至，圍着受傷白海豚。他怒斥船家在傷口灑鹽，「好似發死人財叫人睇」。

洪家耀昨下午三時收到市民報告，指大澳對開海域有海豚受傷。他四時半趕到時海豚已無能力潛水，只能在海面緩緩游動。他指海豚猶如身中多刀，有四條明顯傷痕，最深一刀在尾巴接近脊椎位置，若傷口再深肯定致命，「有一刀最深，條尾一半斷斷哋」。他從事海豚研究十七年，直言今次傷勢之重從未見過，估計是遭快艇的船葉割傷，猶幸海豚仍能覓食，有復元的可能。

船家：就嚟死快啲睇

他說視察期間，逾三十架次觀光船來回接載遊客到場觀看受傷海豚，有船家更說：「佢就嚟死喇！快啲睇呀！」洪家耀曾要求船隻離開不果。他指船隻高速駛至和離開，隨時再撞傷海豚，「啲船首先已經係元凶，整到海豚咁嘅樣，仲係傷口灑鹽」。今次受傷海豚估計屬幼年，並非經常在香港水域出沒。他憂慮船家食髓知味，未來繼續騷擾海豚。

洪家耀呼籲：「大家唔好再坐船仔去睇海豚，你係害死緊佢！」他指自從昂坪纜車與大澳船家合作，推出360海陸空全日通，出海觀豚船隻數量急增，令海豚備受滋擾和威脅。他指船隻出海觀豚應慢駛，亦不應太接近海豚，但船家為牟利往往高速往返，一見海豚就高速駛近追隨，正是白海豚受傷的原因。