貓店長禁巡舖防再被偷

《東方日報》，2017/4/15

「依家唔畀佢出去巡舖，見佢行出舖就會捉番佢入嚟。」早前網上流傳一段老翁在荃灣一間藥房外偷貓的閉路電視片段，老翁以純熟手法，五秒抱走藥房飼養的貓店長「小音」，主人黃先生憂心愛貓落入魔掌，將影片交給友人在網上廣傳，經網民發功一日即尋回「小音」。牠近日已重返藥房坐鎮，不過不會像以往般在外「巡舖」，以免再成偷貓賊目標。

月初舖外被抱走

黃先生半年前在藥房飼養由朋友所贈的貓貓「小音」，牠喜歡做巡舖員。不過，本月六日，藥房收舖都未見「小音」返回藥房，「睇番閉路電視，先知道被人擄走，大約係朝早十點四十五分畀人偷走。」從閉路電視可見，擄走「小音」的是一位伯伯，當時「小音」坐在藥房門外，伯伯經過藥房門口，摸了牠幾下，就一手將牠抱走。

驚覺愛貓被偷走的黃先生立即將閉路電視片段予友人求助，冀友人協助聯絡愛貓人士，於facebook的貓貓群組上載片段廣傳，幸好不久就收到好消息。「小音」被附近金舖店員於二陂坊公園發現，收留在家中。翌日晚上，黃生就與對方確認，接牠回家。他大呼好彩，「（小音）返到嚟好驚震晒，之前帶佢出去打針都好驚，不過今次真係好好彩，有人懸紅幾千蚊都搵唔番。」

料掙扎逃離魔掌

每日都於藥房坐鎮的「小音」十分嬌嗲，更「任摸唔嬲」，一直以來俘虜了不少粉絲。而「小音」被擄走的一個晚上，擔心的唔單止黃先生，一班粉絲亦忐忑不安，幸好最後小音能成功逃離魔掌。今次能夠人貓重逢，他相信全因「小音」身手敏捷：「應該係佢掙扎逃脫，伯伯又追唔到佢。」

但涉偷貓老翁如今相信仍四處出沒，威脅一眾貓貓安危。為免「小音」再成為目標，黃先生亦化身保安：「依家唔畀佢出去巡舖，但又唔想綁住佢，惟有睇實佢，見佢行出舖就會捉番佢入嚟。」