原文連結在此: https://www.hk01.com/寵物/236579/颱風山竹-狗場水浸400浪浪恐感染皮膚-義工號召熱心人助洗澡
在超強颱風「山竹」吹襲下令香港滿目瘡痍，本港多間動物收容所亦受重創，元朗下白泥的拯救遺棄寵物中心（RCAP）出現嚴重水浸。有義工接受《香港01》訪問時表示，收容所場內逾400流浪犬浸泡於污水，恐皮膚受感染，急尋熱心人為犬隻洗澡。
場內受海水浸，犬隻「沐浴」於海水中。（拯救遺棄寵物中心提供）
沙包抵禦水浸無效
去年「天鴿」來襲，為拯救遺棄寵物中心帶來嚴重水浸，今年超強颱風「山竹」來港前，義工早已在收容所場內場外作好準備，例如堆疊沙包，又設置水馬，以及用帆布覆蓋場內已經老化的狗棚，更把部分幼犬及患病犬隻送到暫託家庭。
義工Ruby接受《香港01》訪問時指：「場內有幾百隻狗，無可能暫託得晒，唯有將位於狗場外圍、近海，甚至當風地方的狗仔，移去較高嘅地方，譬如我地嘅大舞台。」
山竹來襲前，義工已經在場外堆疊沙包。（拯救遺棄寵物中心提供）
拯救遺棄寵物中心大舞台亦險被淹沒。（拯救遺棄寵物中心提供）
義工雖有準備，惟「山竹」來勢凶凶，沙包、水馬亦無法阻擋海水侵襲，沙包被強風吹走，水馬被吹翻隨海水在場內飄流。昨午（16日）約三點半左右，大量海水湧進中心，短短半小時，海水已經及腰。場內的大舞台亦險被淹浸，Ruby說：「水位差唔多浸到去舞台果度，啲水真係好深，比舊年（天鴿期間）更加嚴重，天鴿啲海水嚟得好快，都退得好快，今次退水嘅時間較慢，可能呢個風比較大。」截至昨日下午六點，拯救遺棄寵物中心場內才開始緩慢地退水。
水馬在場內飄浮。（拯救遺棄寵物中心提供）
地理位置難改變
拯救遺棄寵物中心設置於元朗下白泥已有十餘年，去年因颱風「天鴿」而首次出現水浸，雖然風災為拯救遺棄寵物中心帶來嚴重水浸，不過要搬遷到新場地亦非易事，義工Ruby指出，「地理環境嘅問題好難改變，因為要搬去一個可以容納400隻狗嘅場地係好困難，一來未必有咁大塊地，二來可能要支付幾百萬重新興建一個場。所以呢一年間，我地都無辦法搬。」
山竹來訪前，義工曾聯絡多個政府部門，包括渠務署，義工Ruby昨晚指出，「尋日都派人嚟睇過我地（收容所），解釋如果落緊雨、海水倒灌、水浸嘅情況下，佢地係完全無辦法可以幫到我地。我要求佢地派泵車俾我地，但係因為泵車都係電動，如果水浸，泵車一掂到水就會因為安全關係斷電，所以無論落雨定水浸，都無辦法幫到啲咩，只可以等停雨，佢地先可以派泵車入嚟抽啲水走。」
拯救遺棄寵物中心場內水浸最嚴重的時間，他們亦曾經嘗試報警求助，「不幸地因為外面條路封晒，警察都入唔到嚟。我地係無援嘅狀態下，渡過左最難果幾個鐘。」
颱風期間，犬隻亦感到非常不安。（拯救遺棄寵物中心提供）
場內逾400狗與1豬平安
水浸期間，場內的狗隻一度受到威脅，尤其較為近海方向的狗倉，「頭先好危險，啲水湧晒入倉，比舊年浸得更加高，有啲狗仔真係差唔多浸到頸。如果仲唔停雨，我地無理由困住佢地喺入面，會浸死佢地。我地就要開晒全部倉，由得佢地係場入面游水。」
需義工、市民助犬洗澡
拯救遺棄寵物中心汲取去年「天鴿」水浸的經驗，今年在颱風襲港前，預先把場內狗糧運走，避免狗糧被海水淹浸而造成浪費，義工Ruby昨晚指出，「我地都只係留左今日嘅糧，聽日義工就會將狗糧車返嚟。我好感恩水浸得咁嚴重，我地嘅狗都無任何嘅傷亡，我都好想多謝之前入嚟幫我地搬沙包、搬狗嘅義工，好多謝所有暫託家長、義工同熱心人士。」
拯救遺棄寵物中心場主在颱風期間到狗倉查看犬隻狀況時，不幸滑倒，整個人浸沒在海水中。幸好，並無大礙。（拯救遺棄寵物中心）
颱風雖然遠離香港，但它帶來的破壞仍然存在，需要大家幫忙。Ruby最希望義工、市民可以前往場地為犬隻洗澡，「狗浸完海水，其實一定要沖涼，因為啲水太污糟，佢地好容易會出皮膚病。我地需要熱心市民幫手洗乾淨啲狗倉、狗屋，同埋幫狗沖涼。想幫助RCAP的朋友，可以留意他們的Facebook專頁，他們稍後會安排開放時間，供義工、市民到場協助。
文章
