原文連結在此: https://www.hk01.com/寵物/239223/主人連失兩愛犬-雪橇犬沙頭角走失-同伴亦抑鬱亡
上月底本港連日大雨，導致各區多處出現水浸，沙頭角居民郭小姐亦受水浸困擾，但令她感到最難過的，莫過於居所花園忽視出現缺口，使愛犬雪橇「囂士」走失。「囂士」自9月3日失蹤後，至今已經三星期。當郭小姐每日牽腸掛肚之際，另一隻摯親狗狗洛威拿犬「洛仔」，也因「囂士」離開而抑鬱至死。目前郭小姐最大的希望，是如果有人收養了「囂士」，可盡快歸還。
囂士（左）和洛仔（右）都是郭小姐領養回來的狗狗。（照片由受訪者提供）
從花園缺口逃出
《香港01》記者致電狗主人郭小姐了解詳情，她說家裡飼養了兩隻狗，分別是西伯利亞雪橇犬「囂士」和洛威拿犬「洛仔」。「囂士」是郭小姐一年多前領養回來的：「當時有位朋友飲醉酒，誤打誤撞喺寵物店買咗囂士返嚟，不過佢無時間照顧，所以就搵人領養。」
郭憶述「囂士」走失的經過：「嗰日係好天，我就放咗佢係花園，再送小朋友返學，晏晝我返嚟，佢已經走失咗。」好奇心滿溢的西伯利亞雪橇犬「囂士」在花園無故失蹤後，郭小姐才發現圍欄裡多了一個缺口。她猜測是因為今年8月底，香港連日大雨，導致她住所的花園出現水浸，而花園圍欄亦因此出現缺口。
「囂士」第一天來到郭小姐家裡，當時大約四、五個月大。（照片由受訪者提供）
手足終日鬱鬱不歡
「囂士」和「洛仔」的身型相近，當「囂士」走失後，「洛仔」乖乖留在家裡。問及洛仔現時的情況，郭小姐傷感地說道：「洛仔已經死左喇......」原來囂士走失後，「洛仔」就開始鬱鬱不歡，「囂士唔見咗頭兩、三日，佢（洛仔）都好似無咩反應咁，只係無咁活躍，去到第五、六日，佢就成日趴係度，唔肯郁，無晒心機。」
郭說，雖然「囂士」和「洛仔」偶爾會打架、爭寵，不過牠們一直都是好兄弟：「我估唔到佢會大反應到完全唔食野。就算我開晒啲罐頭，蒸晒牛肉畀佢，都唔肯食。就算塞佢食，佢都唔食，都會吐返出嚟。」她帶「洛仔」看獸醫，醫生都只能為牠注射皮下水，支撐牠的生命。洛仔連續撐了兩星期，最後還是選擇離開了。
郭小姐家裡還有貓，雖然貓咪不喜歡「囂士」，但牠仍努力示好。（照片由受訪者提供）
「囂士」心絲蟲療程未完
「囂士」患有心絲蟲病，需定期接受藥物治療，走失前牠接受的療程已近尾聲：「療程需要六個月，佢走失當日，已經食到第五個月最後兩日，佢再食多一個療程，就可以返醫生度檢查，睇下仲有無心絲蟲。」走失了的「囂士」，本應需要做下一個療程，假如不立即找回牠，生命隨時受威脅：「宜家中斷咗，最怕佢心絲蟲未杜得晒，引發心肌梗塞。」郭小姐補充，除了心絲蟲藥，囂士還需要定期服用杜蟲藥。
囂士長大後的模樣。（照片由受訪者提供）
傳心師：「囂士」被人用繩綁住
「其實最初我有諗過，佢去咗村入面有養狗嘅屋企度玩，不過之後搵過晒都無。最有機會係沙頭角公路原路一帶，可能有村民帶咗返屋企。」為了尋找「囂士」下落，郭小姐更加尋求三位傳心師的協助，「有一個（傳心師）話佢喺一個有蕉樹嘅地方流浪緊，喺草叢度行緊。有兩個（傳心師）話囂士畀人收養咗，其中一個話佢喺一間古舊嘅屋，畀人用繩綁住咗，另一個話佢畀一個著粉紅色衫嘅女士帶上車，拎咗返屋企。」
縱使傳心師的說法不一。但郭小姐相信，「囂士」仍活著，冀收養了囂士的好心人可以把牠歸還，好讓他們團聚：「真係希望執到囂士嗰個人，可以將佢畀返我。」
走失犬小檔案
名字：囂士Hills
性別：男（未絕育）
年紀：一歲半
走失日期：9月3日 下午約2時
走失地點：沙頭角公路萬屋邊村
特徵：頸戴銀鏈，額頭有類似梅花的花紋，尾白末端白色。
特別事項：由於囂士患有心絲蟲病，正進行藥物治療。
性別：男（未絕育）
年紀：一歲半
走失日期：9月3日 下午約2時
走失地點：沙頭角公路萬屋邊村
特徵：頸戴銀鏈，額頭有類似梅花的花紋，尾白末端白色。
特別事項：由於囂士患有心絲蟲病，正進行藥物治療。
大家假如在街上發現囂士，請聯絡郭小姐（電話：6775 6034）。
文章
