30馬騮闖村醫肚 冇啖好食大搗亂 村民促當局種果樹解困

《蘋果日報》，2013/5/17

「馬騮幫」大鬧村屋！近30隻馬騮昨晨由「首領」帶隊，聯群結黨闖入沙田上禾輋村一幢村屋天台「覓食」，打爛花盆大肆搗亂後，發現「冇啖好食」便施然離去，幸無釀傷亡。村民稱，自從當局禁止餵飼馬騮後，牠們便群起闖村搵食，「當呢度遊樂場咁！」有村民則建議當局於馬騮的生活範圍增設果樹，以防牠們因飢餓而侵擾民居。

現場為沙田上禾輋村108號一幢村屋，昨早上10時許，近30隻馬騮闖入上址村屋天台搶食盆栽果實，村民見「猴多勢眾」，恐傷及他人，遂慌忙報警。警員及漁護署職員趕抵時，馬騮已因為「冇啖好食」四散離去，村屋天台兩個花盆被打爛。據了解，部份馬騮其後亦闖入附近85號村屋，偷食一包枸杞後逃去。

村民對馬騮闖村均大感無奈，一名男村民稱以前村內甚少有馬騮出沒，但自從漁農自然護理署禁止餵飼後，牠們便經由電纜及村屋天台「跳屋」，聯群結黨入村覓食，「一個月都兩、三次！有首領o架！當呢度遊樂場咁！」

而被偷食枸杞的85號屋戶主葉家指，多年來斷斷續續被馬騮入侵多次，其中去年8月數目最多，牠們更對趕抵警員及漁護署職員毫無懼色，一度想撲向他們，幸無傷及他人，「啲馬騮乜都食！公仔麵呀大樹菠蘿呀！連生食都有！」

居民稱不會搬走

葉伯表示，馬騮入村防不勝防，只能聽取漁護署建議用丫叉嚇退不速之客，並鎖好門窗防止牠們闖入家中，但不會因此搬走，「都冇得擔心！住咗咁多年唔會搬！」葉伯兒子則擔心兩老安全，認為當局禁止餵飼的同時，亦應於馬騮的生活範圍增設更多果樹，「佢哋有嘢食先唔會嚟搞我哋！」