原文連結在此: https://www.hk01.com/社會新聞/183542/失明貓-奶茶-垃圾堆重生-義工籲莫棄生命-牠們眼中只有你
同病相憐的貓咪，截然不同的結局。
獨立義工Aster領養了兩隻同樣被遺棄並且失明的貓咪。幸運地，失明貓「奶茶」經過一輪悉心的照料，現已成為了一隻跳跳扎的健康貓咪。但不幸地，另一隻失明貓「細細」則敵不過病魔的摧殘，離開了Aster的懷抱。
拯救過無數生命，Aster慨嘆正當一班熱心人努力拯救動物同時，又有另一撮人不斷殘害和遺棄小毛孩們，她衷心希望人類要好好愛惜動物，「動物好單純，佢哋嘅世界就只有你」，「如果你有壓力，可以搵唔同方法去發洩，但唔好用動物」。
獨立義工Aster家中有11隻貓咪和一隻大狗，其中一隻就是失明貓「奶茶」。主人替寵物改名字，多數都離不開牠的特徵和嗜好，但「奶茶」這個名字則代表著牠被主人遺棄的經歷。
「上年12月，有人喺荃灣垃圾堆入面，搵到隻不停慘叫嘅貓，成身都係垃圾同奶茶，所以我就叫佢做奶茶」。新主人Aster憶述起與「奶茶」的第一次見面，仍感心痛。「初初佢對眼係不斷惡化，眼球凸晒出嚟，全部都是膿」，「去動物診所，佢瞓喺氧氣箱，好辛苦，不停叫，我又唔可以抱佢，嗰時我真係好心嗡，好心痛」。在診所的一個月，Aster不斷和「奶茶」打氣，「我同佢講，如果你唔食嘢，你就唔得喇，你自己要爭氣」。
失明貓「奶茶」被遺棄，幸得義工收養。（鄧穎韜攝）
失明貓「奶茶」被遺棄，幸得義工收養。（鄧穎韜攝）
奶茶捱過了眼球移除手術。（鄧穎韜攝）
幸運地，爭氣的奶茶捱過了眼球移除手術，住了一個月醫院，終於可以回家。「我真係好開心，因為等咗咁耐，終於等到」，「佢恢愎得好快，做咗手術無耐，留喺籠入面嗰陣已經彈來彈去，要玩，癲晒」，現在「奶茶」更成為了家中的小惡霸，經常欺負其他貓咪。「失明貓其實比較敏感，因為佢睇唔到嘢，但佢真係好勁，好有生命力」。回想起拯救「奶茶」的整個經歷，Aster稱彷彿像昨天發生一樣，「如果你唔放棄，去嘗試，去搵希望，真係會有奇蹟出現」。
現在「奶茶」更成為了家中的小惡霸。（鄧穎韜攝）
沒多久，Aster 遇上同病相憐的「細細」，「細細當時畀人掉咗喺黃大仙龍翔中心公廁，一見到佢嗰陣，隻眼已經係唔正常，比一般貓大好多，我哋同佢搵咗幾間診所，到第四間診所先肯幫佢做手術」。由於「細細」做手術需要輸血，於是Aster將「細細」的故事放到網上，尋求輸血貓的幫忙。「放上網之後，好大迴響，我哋諗都無諗過，好多人好熱心，幫細細打氣，又想捐錢畀細細」。有支持，當然亦有反對，「有人話佢個樣好核突，話佢對眼好核突，我們喺網上出帖，畀人投訴過好多次，但我哋無辦法，呢個係佢，佢都唔想，佢都係無辜，你仲要加多腳，唔係啩」。
另一隻失明貓「細細」，手術後不幸過世，Aster傷心不已。（鄧穎韜攝）
每次提到有網民惡言攻擊「細細」，Aster都十分氣憤，但一提到「細細」的離世，她則泣不成聲。「做完手術後，好不幸，無耐佢就有腹水，又爆濕疹，腹膜炎，之後試過唔同療法，但細細最後都走咗」，Aster抹著眼淚稱，「我哋同佢經歷好多，細細鍾意咩我都會買畀佢，細細有好多衫仔，我又會在帶啲公仔返去陪睡覺，細細有自己專屬床仔，有自己專屬嘅呢樣嗰樣，你都應該感受到我哋對佢嘅投入，所以佢嘅離開，真係對我好大打擊」。
Aster慨嘆有人不斷殘害及遺棄貓狗。（鄧穎韜攝）
「奶茶」、「細細」，還有數以百計的貓咪，Aster救助一隻又一隻。她慨嘆，當一班熱心人努力拯救動物的同時，又有另一撮人不斷殘害和遺棄牠們，令她既氣憤又心痛，「如果你有壓力，可以搵唔同方法去發洩，但唔好用動物」，「其實動物好單純，因為佢哋個心只會向住你，佢哋咩都無，佢哋嘅世界就只有你，真心希望大家要好好愛惜動物」。
文章
