原文連結在此: https://www.hk01.com/寵物/253973/大角咀動物中途站爆滿-逾30棄兔倉鼠待領養-義工-佢哋都好乖
早前，有網友在Facebook群組「香港倉鼠同萌會」表示，大角咀一家私人動物中途站收容了逾60隻小動物，當中包括倉鼠、兔、雀、刺蝟。唯中途站負責人工作繁忙，分身不瑕故希望尋求協助。
中途站滿佈寵物籠。（相片由受訪者提供）
群組版主Timothy Chan其後向負責人了解詳情，當時中途站有接近50隻倉鼠、7隻兔、3隻雀仔、2隻花枝鼠、1隻刺蝟。經他幫忙後，已經有逾20隻小動物被領養，但目前仍有5隻兔子、逾30隻倉鼠，以及暫住在負責人家裡的兩隻貓，牠們正等待好心人領養。
不少倉鼠都非常可愛。（相片由受訪者提供）
中途站的小動物健康情況一般，他表示兔子因營養不而出現脫毛情況，部份更有皮膚病，需要義工悉心照料，Timothy接受《香港01》訪問表示：「其實負責人好有愛心，奈何資源不足。而且每一種動物都有唔同嘅照顧技巧，咁啱我對倉鼠有認識，又識養兔，我知道點樣可以打理好佢哋。」幸好，Timothy住處鄰近中途站，可以幫忙照顧中途站內的小動物。
由於資金不足，小動物早前只能進食淘寶購買回來的乾草、乾糧。Timothy指，「我去寵物店買返啲小動物需要嘅用品，而店舖經理知道咗呢件事，都捐咗啲試用裝乾草俾我，都花咗千零蚊買基本物資，暫時解決咗需要。」
場內亦有兔子。（相片由受訪者提供）
當中，有一隻安哥拉兔「毛毛」出現流鼻水的情況，Timothy擔心牠患上呼吸道感染。幸好有熱心網友資助，昨天（31）已帶牠到獸醫診所接受診治。而香港兔友協會（兔協）會長唐雅賢（Shirley）得知病兔需協助，亦主動聯絡Timothy了解病兔情況，並承諾會照顧病兔，總算解決醫藥費的問題。「我知道兔協資源有限，亦有好多棄兔，我哋唔打算令到組織有壓力，希望搵到有心人可以幫忙。」
佢哋嘅眼神係好渴望有人重新愛佢哋。
牠們非常乖巧，並不抗拒陌生人的懷抱。（相片由受訪者提供）
Timothy分享跟站內小動物相處的感受道：「佢哋都好乖、好叻，我抱佢哋，佢哋完全唔掙扎，遺棄動物相比買返嚟嘅動物懂性好多。」亦希望這些小動物最終能找到愛鍚牠們的主人。
《香港01》記者曾就動物中途站的情況聯絡其負責人，但至截稿前仍未有回覆。
文章
