公民講場：漁護署絕育慢吞吞 野豬搬到邊惡到邊

《東方日報》，2018/11/13

近年成日發生野豬出沒事件，有啲仲會闖入民居襲擊人類添。上年十月漁護署推行咗為期兩年嘅野豬避孕同埋搬遷先導計劃，截至今年九月，漁護署喺港島南區就捉咗七十一隻野豬，但做絕育或避孕嘅就唔夠三成，當中亦將部分野豬搬走添！之不過，野豬都有腳，唔係一搬走就會解決件事。漁護署自己都承認，野豬活動力強，搬到邊都會走落嚟影響民居。照咁講，個計劃似乎成效麻麻，唔知係咪要等野豬闖入食物及衞生局局長陳肇始嘅屋企，政府先識得加快手腳呢？