星期四有網民喺facebook公開群組上載咗一張相，係喺港鐵車廂入面影嘅，座位上有一個着住校服裙嘅學生抱住一隻白雪雪嘅狗仔，引嚟網民熱烈討論，究竟女學生嘅行為啱唔啱？有網民引用港鐵附例，話港鐵範圍係唔可以帶動物進入嘅；有人就覺得唔影響其他乘客就可以；亦有聲音重提建議港鐵增設動物車廂。
張相影到喺主人懷抱嘅白色松鼠狗好似唔係幾精神，帖文引嚟差唔多200個留言，有網民同情學生妹：「可能隻狗有事帶去睇醫生，學生妹錢唔多，人哋有需要你想佢點呀？」有人就提出好實際嘅問題，如果狗狗屙屎屙尿點算呢？本身亦有養狗嘅網民就話用返個狗袋會好啲，始終有乘客係怕狗、敏感。有網民更直截了當，認為大家唔使討論，叫影相嘅人如果認為學生妹唔啱嘅話，應該舉報佢，睇吓港鐵點處理咪清楚晒囉。
台灣捷運可與寵同行
立法會議員譚文豪近月去台北體驗帶狗狗一齊搭捷運嘅滋味，當地規定只要將動物入袋，就可以同主人一齊搭捷運同巴士，甚至有特定狗狗公車，每逢假日主人可以直接拖繩帶寵物上車。另外，佢亦都做咗個小測試，就係喺星期六下晝5、6點，拖住一個載住狗狗毛公仔嘅狗袋，喺港鐵太子站頭尾車卡上車，見乘客都唔太抗拒，認為港鐵可研究用頭尾車卡設為假日動物車廂。點解佢會咁做呢，其實舊年佢喺議會，已經兩次動議希望港鐵對增設動物車廂做研究同諮詢，又引用台灣、日本、南韓同埋歐盟做例子，但一直都冇下文。
最後都要提提大家，根據港鐵附例，除咗港鐵公司行使其絕對酌情權許可或准許者之外，任何人唔可以將任何動物或禽畜帶入去鐵路處所任何範圍，除非係導盲犬，否則違者最高可被罰款2,000元。
張相影到喺主人懷抱嘅白色松鼠狗好似唔係幾精神，帖文引嚟差唔多200個留言，有網民同情學生妹：「可能隻狗有事帶去睇醫生，學生妹錢唔多，人哋有需要你想佢點呀？」有人就提出好實際嘅問題，如果狗狗屙屎屙尿點算呢？本身亦有養狗嘅網民就話用返個狗袋會好啲，始終有乘客係怕狗、敏感。有網民更直截了當，認為大家唔使討論，叫影相嘅人如果認為學生妹唔啱嘅話，應該舉報佢，睇吓港鐵點處理咪清楚晒囉。
台灣捷運可與寵同行
立法會議員譚文豪近月去台北體驗帶狗狗一齊搭捷運嘅滋味，當地規定只要將動物入袋，就可以同主人一齊搭捷運同巴士，甚至有特定狗狗公車，每逢假日主人可以直接拖繩帶寵物上車。另外，佢亦都做咗個小測試，就係喺星期六下晝5、6點，拖住一個載住狗狗毛公仔嘅狗袋，喺港鐵太子站頭尾車卡上車，見乘客都唔太抗拒，認為港鐵可研究用頭尾車卡設為假日動物車廂。點解佢會咁做呢，其實舊年佢喺議會，已經兩次動議希望港鐵對增設動物車廂做研究同諮詢，又引用台灣、日本、南韓同埋歐盟做例子，但一直都冇下文。
最後都要提提大家，根據港鐵附例，除咗港鐵公司行使其絕對酌情權許可或准許者之外，任何人唔可以將任何動物或禽畜帶入去鐵路處所任何範圍，除非係導盲犬，否則違者最高可被罰款2,000元。
文章
