原文連結在此: https://www.hk01.com/%E6%B8%AF%E8%81%9E/88548/-%E6%81%90%E6%80%96%E4%BA%BA%E7%8D%B8%E4%BA%A4-%E5%8B%95%E4%BF%9D%E5%9C%98%E9%AB%94%E6%8C%87%E6%94%BE%E9%A4%8A%E4%B8%8D%E8%B2%A0%E8%B2%AC%E4%BB%BB-%E7%B1%B2%E7%B5%A6%E7%8B%97%E7%8B%97%E4%B8%80%E5%80%8B%E5%AE%B6
東涌赤立角村附近山頭約有20隻流浪狗及放養狗隻出沒，鍾連輝人獸交一事傳出後，令狗義工及放養人士感到憤怒，雖然鍾連輝已落網及服刑，放養犬隻受虐的問題仍令人關注。有動物組織表示，本港的放養狗隻遠比流浪狗的數目為多，強調放養並非負責任行為，「放養同流浪只係一線之差，好多人都係當佢哋（狗隻）嚟看門口嘅心態，唔會理佢哋生死，當放養者搬遷時，狗隻又變回流浪狗」，強調若希望照顧狗隻，便應給牠們一個家，視牠們如家人般看待。
東涌黃龍坑山澗有不少流浪狗及放養狗隻聚居。 （呂凝敏攝）
動物組織「動物朋友」創辦人之一吳穎儀（Jessie）受訪時表示，本港放養狗隻的數目，遠比流浪狗的多，惟「放養」和「流浪」只是一線之差，「放養者多數係一啲村民或倉主，目的係要狗隻為他們看門口，而流浪狗就真係完全無人理」。
Jessie強調，放養狗隻命運不等如較流浪狗幸運，「如果放養者冇幫佢哋絕育，生下一堆狗BB又唔理，堆狗BB會變流浪狗；如果放養者自己搬走，留低狗隻喺原址，佢哋又係會變番流浪狗」。Jessie表示，放養狗隻多在貨倉、停車場、鐵皮屋、農場及魚塘等地方聚居。
Jessie強調，放養並非負責任的行為，「主要係唔想執大小二便，佢哋（狗隻）受傷或受虐都唔會理，喺街俾人落毒又唔理，其實講到尾係唔想使錢」。動物朋友的義工經常處理放養狗隻個案，Jessie指由於狗是群居動物，放養狗多喜歡三五成群活動，「你放養一隻，佢亦會自然帶啲朋友仔嚟」，一些放養者沒有帶狗隻絕育，任由母狗產下多隻小狗，日曬雨淋卻無人照顧，命途悲慘。她指若逼不得已需要放養，也應至少帶牠們做絕育手術，「好多動物團體包括我哋，都有提供免費絕育手術，（放養者）只需付出少少，狗仔嘅命運已經爭好遠」。
Jessie又指，放養時至少需要以鐵絲網圍著一個大範圍，讓牠們安全活動，「起碼唔會走出馬路或一啲危險位置」。
Jessie指狗隻是群居動物，即使放養亦喜歡與其他流浪狗三五成群聚居。 （蔡正邦攝）
籲市民主動帶受傷犬隻求醫
Jessie又表示，若發現一些街頭狗隻懷疑有各種被虐痕跡，首先要找出主人了解事件，「唔好道聽塗說，可能係狗仔自己唔小心整親，要問清楚主人，再決定如何處理事件」，她指不少人發現受傷狗隻後，均會先致電一些動物組織，盼對方能協助牠們，「其實如果係小傷口，市民可以幫手消毒，大傷口亦可以直接帶佢去睇獸醫」，若證實受傷狗隻屬流浪犬，應主動帶牠求診，毋須等待動物團體到場才處理。如懷疑有人虐畜，取得證據後更應即時報警處理，以保障小動物的安全。
若逼不得已需放養狗隻，放養者也應以鐵絲網圍起一個範圍，避免狗隻走到一些危險地方。 （呂凝敏攝）
Jessie又表示，若發現一些街頭狗隻懷疑有各種被虐痕跡，首先要找出主人了解事件，「唔好道聽塗說，可能係狗仔自己唔小心整親，要問清楚主人，再決定如何處理事件」，她指不少人發現受傷狗隻後，均會先致電一些動物組織，盼對方能協助牠們，「其實如果係小傷口，市民可以幫手消毒，大傷口亦可以直接帶佢去睇獸醫」，若證實受傷狗隻屬流浪犬，應主動帶牠求診，毋須等待動物團體到場才處理。如懷疑有人虐畜，取得證據後更應即時報警處理，以保障小動物的安全。
文章
